റിയാദ്: സഊദിയില്‍ ട്രാഫിക് പിഴയില്‍ അമ്പത് ശതമാനം ഇളവ് നല്‍കുന്ന സമയപരിധി അവസാനിക്കാന്‍ ഇനി മൂന്ന് മാസം മാത്രമേ ബാക്കിയുള്ളൂ എന്ന് ജനറല്‍ ഡിപ്പാര്‍ട്ട്‌മെന്റ് ഓഫ് ട്രാഫിക് അറിയിച്ചു. സമയപരിധി അവസാനിക്കുന്നതിന് മുന്‍പ് പിഴകള്‍ അടച്ചു തീര്‍ക്കണമെന്ന് വകുപ്പ് അഭ്യര്‍ഥിച്ചു. 2024 ഒക്ടോബറില്‍ ആഭ്യന്തര മന്ത്രാലയം ട്രാഫിക് പിഴകളില്‍ 50 ശതമാനം ഇളവ് നല്‍കിയിരുന്നു. പിന്നീട് ഇത് ആറുമാസത്തേക്ക് കൂടി നീട്ടുകയായിരുന്നു.

പുതിയ ഉത്തരവ് പ്രകാരം 2025 ഏപ്രില്‍ 18 വരെയാണ് ഇളവോടുകൂടി പിഴ അടയ്ക്കാനുള്ള അവസാന തീയതി. 2024 ഏപ്രില്‍ 18ന് മുന്‍പ് നടത്തിയ എല്ലാ ട്രാഫിക് നിയമലംഘനങ്ങള്‍ക്കുമുള്ള പിഴകള്‍ക്കാണ് ഇളവ് ലഭിക്കുക. അതേസമയം, ഏപ്രില്‍ 18നു ശേഷമുള്ള പുതിയ പിഴകള്‍ക്ക് 25 ശതമാനം ഇളവും പ്രഖ്യാപിച്ചിട്ടുണ്ട്. 

2025 ഏപ്രില്‍ 30നു മുമ്പായി, ഡ്രൈവര്‍മാര്‍ക്ക് അവരുടെ ട്രാഫിക് പിഴകള്‍ അടയ്ക്കണം. അല്ലെങ്കില്‍ ഇളവുകള്‍ നഷ്ടപ്പെടും. ഈ അവസരം അവര്‍ക്ക് അവരുടെ പിഴകളെ കുറിച്ച് കൂടുതല്‍ വ്യക്തതയോടെ അടയ്ക്കുന്നതിന് അവസരം ഒരുക്കുന്നു. സഊദി അറേബ്യയിലെ ട്രാഫിക് നിയമങ്ങളുടെ പാലനവും, ട്രാഫിക് ലംഘനങ്ങള്‍ കുറയ്ക്കുന്നതിന്റെ ഭാഗമായുള്ള ഒരു ദര്‍ശനമായാണ് ഈ ഇളവിനെ കണക്കാക്കുന്നത്.