നാട്ടിക: എസ്.എന്‍ കോളജില്‍ എസ്.എഫ്.ഐ-എ.ബി.വി.പി വിദ്യാര്‍ഥികള്‍ തമ്മില്‍ സംഘട്ടനം. നാല് വിദ്യാര്‍ഥികള്‍ക്ക് പരുക്കേറ്റു.
എ.ബി.വി.പി പ്രവര്‍ത്തകരും രണ്ടാം വര്‍ഷ ഫിസിക്‌സ് വിദ്യാര്‍ഥികളുമായ അജീഷ് (19), ഋഷി (19) എന്നിവരെ വലപ്പാട് സാമൂഹികാരോഗ്യ കേന്ദ്രത്തില്‍ പ്രവേശിപ്പിച്ചു.
എസ്.എഫ്.ഐ പ്രവര്‍ത്തകരായ രണ്ടാം വര്‍ഷ ഇക്കണോമിക്‌സ് വിദ്യാര്‍ഥി ജെ.എച്ച് ഇസ്മയില്‍, ഒന്നാംവര്‍ഷ ബികോം വിദ്യാര്‍ഥി കിരണ്‍ എന്നിവരെ വലപ്പാട് സാമൂഹികാരോഗ്യ കേന്ദ്രത്തില്‍ പ്രവേശിപ്പിച്ചു. ഇന്നലെ ഉച്ചയോടെയായിരുന്നു സംഘട്ടനം. കഴിഞ്ഞദിവസം ഇരിങ്ങാലക്കുടയില്‍ നടന്ന ബാഡ്മിന്റണ്‍ മത്സരങ്ങള്‍ നടന്നിരുന്നു. ഇതില്‍ പങ്കെടുത്ത ഈ കോളജിലെ വിദ്യാര്‍ഥികള്‍ തമ്മില്‍ തര്‍ക്കമുണ്ടായിരുന്നു.
അതിനു ശേഷം ഇന്നലെ രാവിലെ ഇതിനെ ചൊല്ലി ഇരുവിഭാഗം പ്രവര്‍ത്തകരും തമ്മില്‍ സംഘട്ടനമുണ്ടായത്. വിവരമറിഞ്ഞ് വലപ്പാട് എസ്.ഐ പി.ജി മധുവിന്റെ നേതൃത്വത്തില്‍ പൊലിസെത്തി.
സംഭവത്തിലുള്‍പ്പെട്ടവര്‍ക്കെതിരെ വലപ്പാട് പൊലിസ് കേസെടുത്തു.