തൃശൂര്‍: പ്രസ്‌ക്ലബ്ബിന്റെ ആഭിമുഖ്യത്തില്‍ സംഘടിപ്പിക്കുന്ന ഫോട്ടോഗ്രാഫി, വീഡിയോഗ്രാഫി പ്രദര്‍ശനം 4ജി ദി ഫോര്‍ത്ത് ജെന്‍ഡറിന് ഇന്ന്  തിരിതെളിയും. സാഹിത്യ അക്കാദമി ഓഡിറ്റോറിയത്തില്‍ മൂന്ന് ദിവസങ്ങളിലായി നടക്കുന്ന പ്രദര്‍ശനം ശനിയാഴ്ച്ച രാവിലെ പത്തിന് ആരംഭിക്കും. ജില്ലയിലെ വിവിധ മാധ്യമസ്ഥാപനങ്ങളിലെ ഫോട്ടോഗ്രാഫര്‍മാരുടെ വാര്‍ത്താചിത്രങ്ങളും കാമറാമാന്‍മാരുടെ വാര്‍ത്താദൃശ്യങ്ങളുമാണ് പ്രദര്‍ശനത്തില്‍ ഉള്‍പ്പെടുത്തിയിരിക്കുന്നത്. തൃശൂര്‍ ലയണ്‍സ് ക്ലബ്ബിന്റെ സഹകരണത്തോടെ സംഘടിപ്പിക്കുന്ന പ്രദര്‍ശനം അഞ്ചിന് സമാപിക്കും.