തൃശൂർ: തൃശൂരിലെ അതിരപ്പിള്ളിയില്‍ മസ്തകത്തില്‍ മുറിവേറ്റ കാട്ടാനക്ക് ചികിത്സ നൽകുന്നതിനുള്ള ദൗത്യം ഇന്ന് തുടരും. ഇന്ന് നടക്കുന്ന തെരച്ചിലില്‍ അനുകൂല സാഹചര്യം ഉണ്ടാവുകയാണെങ്കിൽ ആനക്ക് ചികിത്സ നൽകാൻ സാധിക്കുമെന്നാണ് വനം വകുപ്പ് പ്രതീക്ഷിക്കുന്നത്. 

ഇന്നലെയുള്ള തെരച്ചിലുകൾക്കിടയിൽ മയക്കുവെടി വെക്കാൻ തയ്യാറാവുന്നതിനിടെ ആന കാട്ടിലേക്ക് പോയിരുന്നു. ഇതിനു പിന്നാലെയാണ് ഇന്നലെ വനം വകുപ്പ് തെരച്ചിൽ അവസാനിപ്പിച്ചത്. ഇതോടെയാണ് ഇന്നും ആനയെ കണ്ടെത്താനുള്ള നീക്കങ്ങൾ ഇന്നും തുടരാൻ വനം വകുപ്പ് തീരുമാനിച്ചത്. ഇന്ന് രാവിലെ തന്നെ ആനയെ കണ്ടെത്താൻ സാധിക്കുമെന്നാണ് വനവകുപ്പ് പ്രതീക്ഷിക്കുന്നത്.

ഇന്നലെ നടന്ന തെരച്ചിലിൽ മൂന്ന് സ്ഥലങ്ങളിലായി ആനയെ കണ്ടിരുന്നു. കാലടി പ്ലാന്റേഷനുള്ളില്‍ ഉള്ള സ്ഥലങ്ങളിൽ ആയിരുന്നു ആനയെ കണ്ടെത്തിയിരുന്നത്. എന്നാൽ ഇവിടെ മനുഷ്യ സാമീപ്യം ഉണ്ടായതിനാൽ ആന കാട്ടിലേക്ക് തിരിച്ചു കയറുകയായിരുന്നു.