വാഷിങ്ടണ്‍: അമേരിക്കയില്‍ ജന്മാവകാശ പൗരത്വം നിര്‍ത്തലാക്കിക്കൊണ്ടുള്ള പ്രസിഡന്റ് ഡൊണാള്‍ഡ് ട്രംപിന്റെ വിവാദ ഉത്തരവിന് സ്റ്റേ. ട്രംപിന്റെ എക്‌സിക്യൂട്ടീവ് ഉത്തരവ് പുറത്ത് വന്നതിന് മൂന്ന് ദിവസങ്ങള്‍ക്ക് ശേഷമാണ് സിയാറ്റില്‍ ഫെഡറല്‍ കോടതി താല്‍ക്കാലിക സ്‌റ്റേ പുറപ്പെടുവിച്ചത്. ട്രംപിന്റെ ഉത്തരവ് ഭരണഘടന വിരുദ്ധമാണെന്ന് ചൂണ്ടിക്കാട്ടിയാണ് നടപടി. 

അധികാരം ഏറ്റെടുത്തതിന് പിന്നാലെയാണ് അമേരിക്കയില്‍ നിലവിലുള്ള പൗരത്വ നിയമത്തില്‍ മാറ്റം വരുത്തിക്കൊണ്ട് ട്രംപ് ഉത്തരവിറക്കിയത്. അമേരിക്കന്‍ മണ്ണില്‍ ജനിക്കുന്ന കുട്ടികള്‍ക്ക് ജന്മാവകാശമായി പൗരത്വം ലഭിക്കുമെന്നാണ് നിലവിലെ നിയമം അനുശാസിക്കുന്നത്. 

ട്രംപിന്റെ ഉത്തരവ് വന്നതിന് പിന്നാലെ താല്‍ക്കാലിക എച്ച്1-ബി, എല്‍1 വിസകളിലടക്കം രാജ്യത്തെത്തിയ പതിനായിരക്കണക്കിന് ഇന്ത്യക്കാരും ആശങ്കയിലായിരുന്നു. ഇവര്‍ക്ക് കൂടി ആശ്വാസമാകുന്നതാണ് പുതിയ വിധി.

federal court judge blocks  donald trumps executive order on birth citizenship