തിരുവനന്തപുരം: എല്ലാ ജനറല്‍ ആശുപത്രികളിലും എല്ലാ താലൂക്ക് ജനറല്‍ ആശുപത്രികളിലും ഡയാലിസിസ് യൂണിറ്റുകള്‍ സ്ഥാപിക്കുമെന്ന് ധനമന്ത്രി കെ.എന്‍ ബാലഗോപാല്‍. സ്‌ട്രോക്ക് ചികിത്സ യൂണിറ്റുകള്‍ സ്ഥാപിക്കാന്‍ 21 കോടി ബജറ്റില്‍ വകയിരുത്തി. കോട്ടയം മെഡിക്കല്‍ കോളജില്‍ മജ്ജ മാറ്റിവയ്ക്കല്‍ ശസ്ത്രക്രിയ സൗകര്യമൊരുക്കുമെന്നും മന്ത്രി അറിയിച്ചു.

ആരോഗ്യ വിദ്യാഭ്യാസ മേഖലക്കായി 532.84 കോടി ബജറ്റില്‍ വകയിരുത്തി. ആര്‍സിസിക്ക് 75 കോടി അനുവദിച്ചു. കാന്‍സര്‍ ചികിത്സക്കായി 152 കോടിയും മാറ്റിവച്ചു. ആയുര്‍വേദ മെഡിക്കല്‍ വിദ്യാഭ്യാസം 142 കോടി അനുവദിച്ചു.