ഫുജൈറ: ഫെബ്രുവരി 1 മുതല്‍ മുന്‍ പ്രാബല്യത്തോടെ ഫുജൈറ തദ്ദേശ സ്വയംഭരണ ജീവനക്കാരുടെ ശമ്പളത്തില്‍ 20 ശതമാനം വര്‍ധനവ് പ്രഖ്യാപിച്ച് സുപ്രീം കൗണ്‍സില്‍ അംഗവും ഫുജൈറ ഭരണാധികാരിയുമായ ശൈഖ് ഹമദ് ബിന്‍ മുഹമ്മദ് അല്‍ ഷര്‍ഖി.

തൊഴില്‍ സ്ഥിരതയെ പിന്തുണയ്ക്കുക വഴി തൊഴിലാളി ക്ഷേമം ഉറപ്പുവരുത്തുകയും തദ്ദേശ സ്ഥാപനങ്ങളുടെ പ്രകടനം മെച്ചപ്പെടുത്താനും ലക്ഷ്യമിട്ടാണ് ഷെയ്ഖ് ഹമദിന്റെ പുതിയ നടപടി. ജീവനക്കാര്‍ക്ക് സാമ്പത്തിക സഹായം നല്‍കുക, അവരുടെ സാമ്പത്തിക ഭാരം ലഘൂകരിക്കുക, ജോലിക്കാര്‍ക്കും അവരുടെ കുടുംബങ്ങള്‍ക്കും മാന്യമായ ജീവിത നിലവാരം ഉറപ്പാക്കുക എന്നിവ പരിഗണാച്ചാണ് ഫുജൈറ സര്‍ക്കാര്‍ തൊഴിലാളികളുടെ ശമ്പളം 20% വര്‍ധിപ്പിച്ചിരിക്കുന്നത്.