മസ്കത്ത്: എസ്.കെ.എസ് ബി.വി മസ്കത്ത് റെയ്ഞ്ച് സംഘടിപ്പിക്കുന്ന 'വേക്കപ്പ് 2k25'  ഡെലിഗേറ്റ് ക്യാമ്പ് ശനിയാഴ്ച രാവിലെ 9 മുതൽ സീബ് ഫാമിൽ നടക്കും. മസ്കത്ത് റെയ്ഞ്ച് പ്രസിഡന്റ് സയ്യിദ് ഷംസുദ്ദീൻ തങ്ങൾ സോഹാർ പ്രാർത്ഥന നിർവഹിക്കും. സമസ്ത കേരള ഇസ്ലാം മത വിദ്യാഭ്യാസ ബോർഡിന് കീഴിൽ രജിസ്റ്റർ ചെയ്ത മസ്കത്ത് റെയ്ഞ്ച് ജംഇയ്യത്തുൽ മുഅല്ലിമീന് കീഴിലുള്ള മദ്രസകളിൽ നിന്ന് തെരഞ്ഞെടുക്കപ്പെട്ട വിദ്യാർത്ഥികൾ ക്യാമ്പിൽ പങ്കെടുക്കും. 'അറിവ് അദബ് സമർപ്പണം' എന്ന പ്രമേയത്തിൽ മൂന്ന് സെഷനുകളിലായാണ് ക്യാമ്പ് നടക്കുക. രാവിലെ 9 മുതൽ രജിസ്ട്രേഷൻ ആരംഭിക്കും. തുടർന്ന് മസ്കത്ത് റെയ്ഞ്ച് ജംഇയ്യത്തുൽ മുഅല്ലിമീൻ ജനറൽ സെക്രട്ടറി ഇമ്പിച്ചി അലി മുസ്ലിയാർ പരിപാടി ഉദ്ഘാടനം ചെയ്യും. റെയ്ഞ്ച് പരീക്ഷ ബോർഡ് ചെയർമാൻ യൂസഫ് മുസ്ലിയാർ അധ്യക്ഷനാവും. ട്രഷറർ മുഹമ്മദലി ഫൈസി, എസ്.ഐ.സി പ്രസിഡൻറ് അൻവർ ഹാജി, ജനറൽ സെക്രട്ടറി അബ്ദുൽ ഷുക്കൂർ ഹാജി എന്നിവർ ആശംസകൾ അർപ്പിക്കും. തഖ്‌വിയ, തജ്രിബ, തർബിയ എന്നീ മൂന്ന് സെഷനുകളിലായി യഥാക്രമം കുട്ടികൾ 'നമ്മൾ ചെറിയവരല്ല,, 'തണലാണ് നമുക്ക് സമസ്ത', 'നമുക്ക് നമ്മെ അറിയാം' എന്നീ വിഷയങ്ങളിൽ നാസർ ഫൈസി പാവന്നൂർ ക്ലാസ് എടുക്കും. ചെയർമാൻ ഷംസുദ്ദീൻ ബാഖവി ഇബ്ര, കൺവീനർ അബ്ദുള്ള യമാനി മത്ര, എസ്.ഐ.സി ഓർഗനൈസർ കെ എൻ എസ് മൗലവി, എസ് കെ എസ് എസ് എഫ് നാഷണൽ കമ്മിറ്റി പ്രസിഡൻറ് സക്കീർ ഫൈസി, സെക്രട്ടറി ശുഐബ്‌ പാപ്പിനിശ്ശേരി, എസ് ഐ സി ട്രഷറർ സഈദ് അലി ദാരിമി, ഐ ടി കോഡിനേറ്റർ മുഹമ്മദ് അസ്അദി, മസ്കത്ത്  റെയ്ഞ്ച് ജോ. സെക്രട്ടറിമാരായ സുബൈർ ഫൈസി, മോയിൻ ഫൈസി, മുസ്തഫ നിസാമി, റഫീഖ് നിസാമി ബറക്ക, ശരീഫ് ഹേൽ, സകരിയ ഹാജി, മുഹമ്മദലി എന്നിവർ സംസാരിക്കും.

SKSBV Delegate Camp today