അറാർ: സുഗന്ധം പരത്തുന്ന പ്രകൃതി സൗന്ദര്യമാണ് സഊദിയുടെ വടക്കൻ അതിർത്തി മേഖലയ്ക്കുള്ളത്. വിവിധതരം സസ്യങ്ങളാണ് ഈ മേഖലയിലെ പ്രധാന സുഗന്ധ വാഹിനികൾ. ഇലകളിൽ നിന്ന് സുഗന്ധം പുറപ്പെടുവിക്കുന്ന ഫ്രാഗ്രന്റ് ഓക്സി എന്നറിയപ്പെടുന്ന ആസ്‌റ്ററിസ്‌കസ് ഗ്രേവിയോലെൻസ് ഇതിൽ ശ്രദ്ധേയമാണ്. 

ആസ്‌റ്ററിസ്‌കസ് ഗ്രേവിയോലെൻസ് മേഖലയിലെ ഏറ്റവും മികച്ച സുഗന്ധമുള്ള സസ്യങ്ങളുടെ ഗണത്തിലാണ് ഇടംപിടിച്ചിരിക്കുന്നതെന്ന് അമാൻ എൻവയോൺമെന്റൽ അസോസിയേഷൻ്റെ തലവൻ നാസർ അൽ-മജ്‌ലദ് വ്യക്തമാക്കി. സഊദിയിൽ ഈ ചെടിയുടെ രണ്ട് തരം വെറൈറ്റികൾ കാണപ്പെടുന്നു. ഒന്ന് ദളങ്ങളുള്ളതും മറ്റൊന്ന് ഇല്ലാത്തതും. ഒരു മീറ്റർ വരെ ഉയരത്തിൽ എത്താൻ കഴിയുന്ന ഇടതൂർന്ന ഇഴചേർന്ന ശാഖകളാണ് സസ്യത്തിന്റെ മറ്റൊരു സവിശേഷത.

വസന്തകാലത്ത് തിളക്കമുള്ള മഞ്ഞ പൂക്കൾ ഈ ചെടിയെ കൂടുതൽ മനോഹരമാക്കുന്നു. കൂടാതെ, ഇലകളിൽ നിന്ന് വേർതിരിച്ചെടുക്കുന്ന എണ്ണ പെർഫ്യൂം നിർമാണത്തിനും ഉപയോഗിക്കുന്നു. ഈ സസ്യങ്ങളെ വംശനാശത്തിൽ നിന്ന് സംരക്ഷിക്കുന്നതിനായി അധികൃതർ പാരിസ്‌ഥിതിക സംരംഭങ്ങൾ ആരംഭിച്ചിട്ടുണ്ട്.

Discover the unique characteristics of Fragrant Oxalis, a rare plant species that releases a captivating fragrance from its leaves, making it a fascinating find for botany enthusiasts.