കുവൈത്ത് സിറ്റി: പ്രാണികളേയും പുഴുക്കളേയും ഉപയോഗിച്ചുള്ള ഭക്ഷ്യോല്‍പന്നങ്ങള്‍ക്ക് നിരോധനമേര്‍പ്പെടുത്തി കുവൈത്ത്. ആരോഗ്യമന്ത്രാലയത്തിന് കീഴിലുള്ള ജനറല്‍ അതോറിറ്റി ഫോര്‍ ഫുഡ് ആന്‍ഡ് ന്യൂട്രീഷന്‍ അധികൃതരാണ് ഇതുസംബന്ധിച്ച് വ്യക്തത വരുത്തിയത്. 

പ്രാണികളും പുഴുക്കളും ഉള്‍പ്പെട്ട ഭക്ഷ്യോല്‍പന്നങ്ങളാണ് നിരോധിച്ചത്. ഹലാല്‍ ഭക്ഷണത്തിന് ഗള്‍ഫ് സഹകരണ കൗണ്‍സില്‍ രാജ്യങ്ങളിലെ അംഗീകൃത ചട്ടങ്ങള്‍ക്ക് അനുസൃതമായാണ് കുവൈത്തിന്റെ നടപടി. ഇത്തരം ഭക്ഷ്യോല്‍പന്നങ്ങള്‍ കുവൈത്തിലേക്ക് കൊണ്ടുവരാന്‍ സമ്മതിക്കില്ല. നിയമംലംഘനം കണ്ടെത്താന്‍ നിരീക്ഷണം ശക്തമാക്കിയതായി കുവൈത്ത് അധികൃതര്‍ വ്യക്തമാക്കി.

Kuwait bans eating insects and worms