കണ്ണൂർ: കുടുംബകോടതിയിൽ ജഡ്‌ജിയുടെ ചേംബറിൽ നിന്ന് പാമ്പിനെ കണ്ടെത്തി. വാദം നടക്കുന്നതിനിടെയാണ് ചേംബറിൽ മേശയ്ക്കു താഴെയായി മൂർഖൻ പാമ്പിനെ കണ്ടത്.

ശനിയാഴ്ച ഉച്ചയോടെയായിരുന്നു സംഭവം. കോടതിയിൽ വിചാരണ നടപടികൾ നടക്കുന്നതിനാൽ ജഡ്‌ജി ചേംബറിൽ ഉണ്ടായിരുന്നില്ല. ചേംബറിലേക്ക് വന്ന ജഡ്‌ജിയുടെ ഓഫീസ് അസിസ്റ്റൻഡ് ആയിരുന്നു മേശയ്ക്കടിയിൽ പാമ്പിനെ കണ്ടെത്തിയത്. തുടർന്ന് വനം വകുപ്പിനെ വിവരമറിയിച്ചു. പിന്നീട് ബന്ധപ്പെട്ട ഉദ്യോഗസ്ഥരെത്തി മൂർഖനെ പിടികൂടുകയായിരുന്നു.

കണ്ണൂർ കോടതി പരിസരത്ത് പാമ്പിൻ്റെ ശല്യം രൂക്ഷമാണെന്ന് നേരത്തേ തന്നെ ജീവനക്കാർ പരാതി ഉയർത്തിയിരുന്നു. പഴയ കെട്ടിടം പൊളിച്ചുമാറ്റി പുതിയ കെട്ടിടത്തിന്റെ നിർമാണ പ്രവർത്തനങ്ങൾ തുടങ്ങിയപ്പോൾ സ്ഥലത്തെ കാടുകൾ വെട്ടാതിരുന്നതാണ് കോടതി പരിസരം ഇഴജന്തുക്കൾക്ക് വാസയോഗ്യമാവാൻ കാരണമായത്.

A guest came to the judge's chamber while the hearing was going on in the Kannur family court; Know more