പാലക്കാട്: പാലക്കാട് ജില്ലാ ആശുപത്രിയില്‍ തീപിടിത്തം. ഞായറാഴ്ച്ച പുലര്‍ച്ചെ മൂന്നു മണിക്കാണ് തീപിടിത്തമുണ്ടായത്. ആര്‍ക്കും പരിക്കില്ല. ആശുപത്രിയിലെ നഴ്‌സുമാരുടെ ചേയ്ഞ്ചിങ് റൂം, സര്‍ജിക്കല്‍ ഐസിയു,
മരുന്ന് സൂക്ഷിക്കുന്ന സ്ഥലം എന്നിവിടങ്ങളിലാണ് തീപിടിത്തമുണ്ടായത്. തീപടര്‍ന്നതിനെ തുടര്‍ന്ന് സമീപത്തെ വനിത വാര്‍ഡുകളിലുണ്ടായിരുന്ന രോഗികളെ സുരക്ഷിത സ്ഥലത്തേക്ക് മാറ്റി. 

പുക ഉയര്‍ന്നതിന് പിന്നാലെ അഗ്നിശമന സേന യൂണിറ്റ് എത്തുകയും മൂന്നരയോടെ തീ നിയന്ത്രണ വിധേയമാക്കുകയും ചെയ്തു. ഷോര്‍ട്ട് സര്‍ക്യൂട്ടാണ് അപകടകാരമണമെന്നാണ് പ്രാഥമിക നിഗമനം. തീപിടിത്തമുണ്ടായ മുറികളിലെ ഉപകരണങ്ങളെല്ലാം കത്തിനശിച്ചു.

fire accident at palakkad district hospital today morning