കൊല്ലം: കൊട്ടാരക്കരയിൽ കുടുംബത്തിനു നേരെയുണ്ടായ വടിവാൾ ആക്രമണത്തിൽ ആറ് മാസം പ്രായമുള്ള കുഞ്ഞടക്കം ഒരു കുടുംബത്തിലെ നാല് പേർക്ക് പരുക്ക്. വെള്ളാരംക്കുന്നിൽ ചരുവിള പുത്തൻവീട്ടിൽ അരുൺ, പിതാവ് സത്യൻ, അമ്മ ലത എന്നിവർക്കായിരുന്നു വെട്ടേറ്റത്. ആറു മാസം പ്രായമുള്ള തന്റെ കുഞ്ഞിനു നേരെ വടിവാൾ വീശിയപ്പോൾ അരുൺ കുഞ്ഞുമായി താഴേക്ക് വീഴുകയായിരുന്നു, ആക്രമണത്തിൽ അരുണിൻ്റെ കഴുത്തിലും തലയിലും ആഴത്തിലുള്ള മുറിവുണ്ട്.

രണ്ടംഗ സംഘമാണ് ആക്രമണത്തിനു പിന്നിൽ. മുൻ വൈരാഗ്യമാണ് ആക്രമണത്തിനു കാരണം. പരുക്കേറ്റ അരുണിനെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. മറ്റ് മൂന്ന് പേർ കൊട്ടാരക്കര താലൂക്ക് ആശുപത്രിയിൽ ചികിത്സയിലാണ്. പള്ളിക്കൽ മൈലം മാരിയമ്മൻ ക്ഷേത്രത്തിലെ പൊങ്കാല സമർപ്പണം കഴിഞ്ഞ് മടങ്ങുന്നതിനിടെയായിരുന്നു ഇവർക്കുനേരെ ആക്രമണമുണ്ടായത്. ആക്രമണം നടത്തിയ രണ്ട് പേരും ഒളിവിലാണെന്നും, ഇവർക്കായി തിരച്ചിൽ നടത്തുകയാണെന്നും പൊലിസ് അറിയിച്ചു.

A shocking incident of brutality unfolded in Kottarakkara, where a family of four, including a 6-month-old baby, was injured in a vicious sword attack.