പാലക്കാട്: പാലക്കാട് തൃത്താല ദേശോത്സവത്തിന്റെ ഘോഷയാത്രയില്‍ ഹമാസ് ഹിസ്ബുല്ല നേതാക്കളുടെ ചിത്രങ്ങളും. ആന എഴുന്നള്ളത്തിലാണ് ഹമാസ് നേതാക്കളായ ഇസ്മാഈല്‍ ഹനിയ്യ, യഹ്‌യ സിന്‍വാര്‍, ഹിസ്ബുല്ല നേതാവായ ഹസന്‍ നസ്‌റുല്ല എന്നിവരുടെ ചിത്രങ്ങുള്ള പ്ലക്കാര്‍ഡുകള്‍ ഉയര്‍ത്തിയത്. ഇസ്‌റാഈലിനെതിരെ പോരാടുന്ന ഫലസ്തീനികള്‍ക്കുള്ള തൃത്താലക്കാരുടെ ഐക്യദാര്‍ഢ്യമായിരുന്നു ഇത്. 

ഇസ്‌റാഈല്‍ ആക്രമങ്ങളില്‍ കൊല്ലപ്പെട്ട നേതാക്കളുടെ ചിത്രങ്ങള്‍ ഉപയോഗിച്ചുള്ള പോസ്റ്ററുകള്‍ നെറ്റിപ്പട്ടം കെട്ടിയ മൂന്ന് ആനകളുടെ പുറത്താണ് ഉയര്‍ത്തിയത്. തറവാടീസ് തെക്കേ ഭാഗം, മിന്നല്‍പട തെക്കേഭാഗം എന്നീ വിഭാഗങ്ങളാണ് ചിത്രങ്ങള്‍ ഉപയോഗിച്ചത്. ആഘോഷങ്ങളുടെ വീഡിയോ ദൃശ്യങ്ങളും ചിത്രങ്ങളും സാമൂഹ്യ മാധ്യമങ്ങളില്‍ വൈറലാണ്.