ഐസിസി ചാമ്പ്യൻസ് ട്രോഫി ആരംഭിക്കാൻ ഇനി ഒരു ദിവസം മാത്രമേ ബാക്കിയുള്ളൂ. ഫെബ്രുവരി 19 മുതൽ മാർച്ച് ഒമ്പത് വരെയാണ് ചാമ്പ്യൻസ് ട്രോഫി നടക്കുന്നത്. ചാമ്പ്യൻസ് ട്രോഫിയിൽ ഗ്രൂപ്പ് എയിൽ ഇന്ത്യ, ബംഗ്ലാദേശ്, പാകിസ്താൻ, ന്യൂസിലാൻഡ് എന്നീ ടീമുകളാണ് ഉള്ളത്. ഗ്രൂപ്പ് ബിയിൽ ഓസ്ട്രേലിയ, ഇംഗ്ലണ്ട്, അഫ്ഗാനിസ്ഥാൻ, ദക്ഷിണാഫ്രിക്ക എന്നീ ടീമുകളുമാണ് ഉള്ളത്. 

ടൂർണമെന്റിൽ നിന്നും പ്രധാന താരങ്ങൾ പരുക്ക് പറ്റി പുറത്തായതാണ് പല ടീമുകളെയും നിരാശയിലാഴ്ത്തിയിരിക്കുന്നത്. ടൂർണമെന്റ് ആരംഭിക്കുന്നതിന് മുന്നോടിയായി 11 താരങ്ങളാണ് പരുക്കേറ്റ് പുറത്തായത്. ഇതിൽ വലിയ തിരിച്ചടികൾ നേരിട്ടത് ഓസ്‌ട്രേലിയയാണ്. ഓസീസിന്റെ മൂന്ന് പ്രധാന താരങ്ങളാണ് പരുക്ക് പറ്റി പുറത്തായത്. ക്യാപ്റ്റൻ പാറ്റ് കമ്മിൻസ് പേസർമാരായ ജോഷ് ഹേസൽവുഡ്, മിച്ചൽ സ്റ്റാർക്ക് എന്നിവരെയാണ് ഓസ്‌ട്രേലിയക്ക് നഷ്ടമായത്.

ആൻറിച്ച് നോർക്യ എന്നീ താരങ്ങളെയാണ് സൗത്ത് ആഫ്രിക്കക്ക് ടൂർണമെന്റിൽ നിന്നും നഷ്ടമായത്. ഇന്ത്യൻ ടീമിൽ നിന്നും സ്റ്റാർ പേസർ ജസ്പ്രീത് ബുംറയാണ്‌ ചാമ്പ്യൻസ് ട്രോഫിയിൽ നിന്നും പുറത്തായത്. ന്യൂസിലാൻഡ് താരങ്ങളായ ലോക്കി ഫെർഗൂസൻ, ബെൻ സിയേഴ്‌സ് എന്നിവരും ടൂർണമെന്റിൽ നിന്നും പുറത്തായിട്ടുണ്ട്. ഇംഗ്ലണ്ട് താരം ജേക്കബ് ബേഥൽ, പാകിസ്താൻ താരം സാലിം അയൂബ്, അഫ്ഗാൻ താരം അല്ലാ ഗസൻഫർ എന്നിവരും ചാമ്പ്യൻസ് ട്രോഫിയുടെ ഭാഗമല്ല.