തിരുവനന്തപുരം: തിരുവനന്തപുരത്ത് മാതാവിനെ ക്രൂരമായി ആക്രമിച്ച യുവാവ് പൊലീസ് പിടിയിൽ. വിതുര ചെറ്റച്ചൽ സ്വദേശി മുഹമ്മദ് ഫയാസിനെയാണ് അറസ്റ്റ് ചെയ്തത്.

പ്രതിയുടെ അമ്മയുടെ കഴുത്തിന് കുത്തിപിടിച്ച് ആക്രമിച്ച ശേഷം, മുഖത്തടിച്ച് തള്ളി വീഴ്ത്തിയതായാണ് പൊലീസ് റിപ്പോർട്ട്. അതിനുശേഷം യുവാവ് വീടിന്റെ ഉപകരണങ്ങളും ജനലുകളും അടിച്ചു തകർത്തു.

46 വയസുള്ള മാതാവ് ഗുരുതരമായി പരിക്കേറ്റ് വിതുര താലൂക്ക് ആശുപത്രിയിൽ ചികിത്സ തേടിയിട്ടുണ്ട്. സംഭവം അറിഞ്ഞ നാട്ടുകാർ പൊലീസിനെ വിവരം അറിയിച്ചതിനെ തുടർന്ന് വിതുര പൊലീസ് സ്ഥലത്തെത്തി പ്രതിയെ അറസ്റ്റ് ചെയ്തു.

പോലീസിന്റെ പ്രാഥമിക അന്വേഷണത്തിൽ യുവാവ് ലഹരിക്ക് അടിമയായതായും, ഇതിന്  പൊലീസ് രജിസ്റ്റര്‍ ചെയ്ത  നാലു ലഹരി കേസുകളിൽ പ്രതിയായതായും സ്ഥിരീകരിച്ചു. കേസിൽ പൊലീസ് അന്വേഷണം തുടരുന്നു.