കോഴിക്കോട്: കൊയിലാണ്ടി-താമരശ്ശേരി സംസ്ഥാന പാതയിലെ ഉള്ള്യേരിയിൽ പുലർച്ചെ 4 മണിയോടെ ഉണ്ടായ വാഹനാപകടത്തിൽ രണ്ട് പേർക്ക് പരിക്കേറ്റു. രാജസ്ഥാൻ സ്വദേശിയായ കിരൺ കൂടാതെ, ഇയാളുടെ സഹായിക്കും പരിക്കേറ്റിട്ടുണ്ട്. അപകടം ബാലുശ്ശേരി റെയ്ഞ്ച് എക്‌സൈസ് ഓഫീസിന് സമീപത്തായിരുന്നു.

നിയന്ത്രണം വിട്ട ടിപ്പർ ലോറി ഉള്ള്യേരി 19-ാം മൈലിൽ കരുണാകരന്റെ ഉടമസ്ഥതയിലുള്ള രാമനഗരം ടീ ഷോപ്പിലേക്ക് ഇടിച്ചു കയറുകയായിരുന്നു. അതിന്റെ പിന്നാലെ വന്ന ഗുഡ്‌സ് ഓട്ടോ ലോറിയുടെ പിന്നിൽ ഇടിച്ചു.ഗുഡ്‌സ് ഓട്ടോയിലുണ്ടായിരുന്ന കിരണിന് തലയ്ക്ക് ഗുരുതരമായി,കിരണിന്റേ കൂടെ സഞ്ചരിച്ചിരുന്ന സഹായിക്കും  പരിക്കേറ്റു.ഇരുവരെയും സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.
അപകടത്തിൽ ഗുഡ്‌സ് ഓട്ടോയും കടയും ഗുരുതരമായ കേടുപാടുകൾ സംഭവിച്ചിട്ടുണ്ട്.അപകട കാരണം ടിപ്പർ ലോറി ഡ്രൈവർ ഉറങ്ങിപ്പോയതാകാമെന്നാണു പ്രാഥമിക നിഗമനം. 12 വർഷത്തിനിടെ ഈ പ്രദേശത്ത് ഉണ്ടായ വിവിധ അപകടങ്ങളിൽ 13 പേർക്ക് ജീവൻ നഷ്ടപ്പെട്ടതായി നാട്ടുകാർ പറഞ്ഞു.