കൊച്ചി: എറണാകുളം കുണ്ടന്നൂരിലെ എംപയർ പ്ലാസ ഹോട്ടലിൽ തീപിടുത്തം ഉണ്ടായി. ഹോട്ടലിന്റെ അടുക്കള ഭാഗത്താണ് അഗ്നിബാധ സംഭവിച്ചത്. തീപടർന്നതിനെ തുടർന്ന് മുകളിലത്തെ നിലയിൽ താമസിച്ചിരുന്നവർ അടക്കം എല്ലാവരും സുരക്ഷിതരാണെന്നാണ് റിപ്പോർട്ട്.

അഗ്നിരക്ഷാ സേനയുടെ നാല് യൂണിറ്റുകൾ എത്തി തീയണക്കുകയായിരുന്നു. സംഭവത്തിൽ ആളപായമൊന്നും റിപ്പോർട്ട് ചെയ്തിട്ടില്ലെങ്കിലും വലിയ നാശനഷ്ടമുണ്ടായതായാണ് റിപ്പോർട്ട്. തീപിടുത്തത്തിന് കാരണം വ്യക്തമായിട്ടില്ലെന്നും സംഭവത്തിൽ അന്വേഷണം നടത്തുമെന്ന് അഗ്നിരക്ഷാ സേന അറിയിച്ചു.