ലോസ് ആഞ്ചലസ്:  മികച്ച സഹനടനുള്ള 97ാമത് ഓസ്‌കര്‍ പുരസ്‌കാരം അമേരിക്കന്‍ നടനായ കീറന്‍ കള്‍ക്കന്. സഹനടിക്കുള്ള പുരസ്‌ക്കാരം കരസ്ഥമാക്കിയത് അമേരിക്കന്‍ നടിയായ സോയി സല്‍ദാനയാണ്. 
ജാക്വസ് ഓഡിയാര്‍ഡ് എഴുതി സംവിധാനം ചെയ്ത സ്പാനിഷ് ഭാഷയില്‍ പുറത്തിറങ്ങിയ ഫ്രഞ്ച് മ്യൂസിക്കല്‍ ക്രൈം ചിത്രമായ 'എമിലിയ പെരെസ്' ലെ  പ്രകടനത്തിനാണ് സോയക്ക് പുരസ്‌ക്കാരം. 
 
'ഇന്‍ ദ ഷാഡോ ഓഫ് ദ സൈപ്രസ്' മികച്ച ആനിമേറ്റഡ് ഷോര്‍ട്ട് ഫിലിം ആയി തെരഞ്ഞെടുത്തു. 2023ലെ ഇറാനിയന്‍ ആനിമേറ്റഡ് ഹ്രസ്വചിത്രമാണ് 'ഇന്‍ ദ ഷാഡോ ഓഫ് ദ സൈപ്രസ്'. ബര്‍ഫക് ആനിമേഷന്‍ സ്റ്റുഡിയോ നിര്‍മ്മിച്ച ചിത്രം ഹൊസൈന്‍ മൊലായേമിയും ഷിറിന്‍ സൊഹാനിയും ചേര്‍ന്നാണ് സംവിധാനം ചെയ്തത്.  

ജിന്റ്‌സ് സില്‍ബലോഡിസ് സംവിധാനം ചെയ്ത ' ഫ്‌ളോ' ആണ് മികച്ച ആനിമേറ്റഡ് ഫീച്ചര്‍ സിനിമ. ലാത്വിവിയയില്‍ നിന്ന് ഓസ്‌കര്‍ നേടുന്ന ആദ്യത്തെ ചിത്രം എന്ന പ്രത്യേകത കൂടി ഉണ്ട് ഈ സിനിമക്ക്.   മികച്ച വസ്ത്രാലാങ്കാരം -അമേരിക്കന്‍ മ്യൂസിക്കല്‍ ഫാന്റസി ചിത്രമായ 'വിക്ക്ഡ്'.  മികച്ച അവലംബിത തിരക്കഥ- പൊളിറ്റിക്കല്‍ ത്രില്ലറായ 'കോണ്‍ക്ലേവ്'.  പീറ്റര്‍ സ്‌ട്രോഗനാണ് ഇതിന്റെ തിരക്കഥ നിര്‍വഹിച്ചിരിക്കുന്നത്.

At the 97th Academy Awards, Kieran Culkin won Best Supporting Actor for 'A Real Pain,' and Zoe Saldaña secured Best Supporting Actress for 'Emilia Pérez.'

23 വിഭാഗങ്ങളിലായുള്ള മത്സരത്തിന്റെ പുരസ്‌ക്കാര പ്രഖ്യാപനം തുടരുകയാണ്.