കോഴിക്കോട്: ലഹരിമരുന്നിനടിമയായ ജ്യേഷ്ഠൻ അനുജനെ വാളുകൊണ്ട് വെട്ടിപരുക്കേൽപ്പിച്ചു. സംഭവത്തിൽ പൊലീസ് അന്വേഷണം ആരംഭിച്ചു. താമരശ്ശേരി ചമലിൽ ഇന്ന് വൈകുന്നേരം 5.15 ഓടെയായിരുന്നു സംഭവം. പരിക്കേറ്റത് ചമൽ സ്വദേശിയായ അഭിനന്ദ് (23) ആണ്.

സഹോദരനായ അർജുൻ ക്ഷേത്രത്തിലെ ഗുരുതിത്തറയിൽ നിന്ന് വാളെടുത്ത് വീട്ടിലെത്തിയാണ് ആക്രമണം നടത്തിയത്. ലഹരി മരുന്ന് ഉപയോഗത്തിന്റെ പേരിൽ അർജുനെ വിമുക്തി കേന്ദ്രത്തിൽ അയച്ചതിനോടുള്ള പ്രതികാരമായിരുന്നു ഈ ആക്രമണമെന്ന് നാട്ടുകാർ പറയുന്നു.

ഇരുവരും ഒരേ വീട്ടിൽ താമസിക്കുന്നവരാണ്. അർജുൻ ക്ഷേത്രത്തിൽ നിന്ന് വാളുമായി പോകുന്നതിന്റെ സിസിടിവി ദൃശ്യങ്ങൾ പുറത്ത് വന്നതോടെ സംഭവത്തെക്കുറിച്ച് കൂടുതൽ അന്വേഷണം ആരംഭിച്ചതായി പൊലീസ് അറിയിച്ചു.