കോതമംഗലം: ആനയെ കണ്ട് ഭയന്നോടിയ വയോധികൻ കുഴഞ്ഞുവീണ് മൂലം മരിച്ചു. കോതമംഗലം കോട്ടപ്പടിയിൽ കൂവക്കണ്ടം സ്വദേശി കുഞ്ഞപ്പൻ (70) ആണ് മരിച്ചത്.

വീടിന് മുന്നിൽ എത്തിച്ചേർന്ന കാട്ടാനയെ ഓടിക്കാൻ ശ്രമിക്കുന്നതിനിടെ ആന തിരിഞ്ഞുനോക്കുകയായിരുന്നു. ഇതുകണ്ട കുഞ്ഞപ്പൻ ഭയന്ന് വീട്ടിലേക്ക് ഓടിയെത്തിയതിനുശേഷം അപ്രതീക്ഷിതമായി കുഴഞ്ഞുവീണു.സംഭവം രാത്രി 8.30ഓടെയാണ് ഉണ്ടായത്. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.