മക്ക: മഴ കനക്കാന്‍ സാധ്യതയുള്ളതിനെ തുടര്‍ന്ന് മക്ക നഗരത്തിലെ എല്ലാ സ്‌കൂളുകളിലും അല്‍ജുമും, അല്‍ കാമില്‍, ബഹ്‌റ ഗവര്‍ണറേറ്റുകളിലും ചൊവ്വാഴ്ച വിദ്യാര്‍ത്ഥികള്‍ക്കുള്ള നേരിട്ടുള്ള ക്ലാസുകള്‍ നിര്‍ത്തിവച്ചതായി മക്ക വിദ്യാഭ്യാസ വകുപ്പ് അറിയിച്ചു.

ദുബൈയിലെ പ്രധാന പാർക്കിംഗുകളിൽ EV ചാർജിംഗ് സ്റ്റേഷനുകൾ വരുന്നു

നാഷണല്‍ സെന്റര്‍ ഓഫ് മെറ്റീരിയോളജി റിപ്പോര്‍ട്ട് ചെയ്തതിന്റെ അടിസ്ഥാനത്തിലും എല്ലാവരുടെയും സുരക്ഷ ഉറപ്പാക്കുന്നതിനുമായി വിശുദ്ധ നഗരത്തിലെ എല്ലാ സ്‌കൂളുകളിലും അല്‍ജുമും, അല്‍ കാമില്‍, ബഹ്‌റ ഗവര്‍ണറേറ്റുകളിലും ചൊവ്വാഴ്ച ക്ലാസുകള്‍ നിര്‍ത്തിവയ്ക്കാന്‍ തീരുമാനിച്ചു. മദ്രസതി പ്ലാറ്റ്‌ഫോം വഴി ക്ലാസുകള്‍ ഓണ്‍ലൈനായി നടത്തപ്പെടും,' വിദ്യാഭ്യാസ വകുപ്പ് ഒരു പ്രസ്താവനയില്‍ പറഞ്ഞു. 

ഉമ്മുല്‍ഖുറ സര്‍വകലാശാല നേരിട്ടുള്ള ക്ലാസുകള്‍ നിര്‍ത്തിവച്ചതായും പ്രഖ്യാപിച്ചിട്ടുണ്ട്. ക്ലാസുകള്‍ ഓണ്‍ലൈനായി നടക്കുമെന്ന് സര്‍വകലാശാല അധികൃതര്‍ പറഞ്ഞു. നാഷണല്‍ സെന്റര്‍ ഓഫ് മെറ്റീരിയോളജിയുടെ കാലാവസ്ഥാ പ്രവചനത്തെ അടിസ്ഥാനമാക്കിയാണ് നടപടി. മക്ക മേഖലയിലെ എല്ലാ ഗവര്‍ണറേറ്റുകളിലെയും സര്‍വകലാശാല ആസ്ഥാനം, ഓഫീസുകള്‍, കോളേജുകള്‍ എന്നിവയ്ക്ക് തീരുമാനം ബാധകമാകുമെന്ന് സര്‍വകലാശാല സൂചിപ്പിച്ചു.

പൊതുസ്ഥലത്ത് മദ്യപിച്ച് പൊലിസിനെ ആക്രമിച്ച യുവതിക്കെതിരെ ദുബൈയില്‍ കേസ്

heavy rain; Schools in Makkah suspended, classes online