കഴിഞ്ഞ രണ്ട് ദിവസങ്ങളിലായി 500 രൂപയുടെ കുറവുചെയ്ത സ്വർണവിലയിൽ ഇന്ന് 400 രൂപയുടെ വർദ്ധനവ് രേഖപ്പെടുത്തി. ഇതോടെ ഒരു പവൻ സ്വർണത്തിന്റെ വില 64,320 രൂപയായി ഉയർന്നു. ഇന്ന് ഒരു ഗ്രാമിന് 50 രൂപയും ഒരു പവന് 400 രൂപയുമാണ് കൂട്ടിയിരിക്കുന്നത്. ഇതോടെ ഗ്രാമിന് 8040 രൂപയായും പവന് 64,320 രൂപയായും സ്വർണവില ഉയർന്നു.

വെള്ളിയുടെയും വിലയിൽ വർദ്ധനയാണ് രേഖപ്പെടുത്തിയിരിക്കുന്നത്. ഇപ്പോൾ ഒരു ഗ്രാം വെള്ളിക്ക് 108.10 രൂപയും ഒരു കിലോ വെള്ളിക്ക് 1,08,100 രൂപയുമാണ്.

രാജ്യാന്തര വിപണിയിലെ മാറ്റങ്ങൾ, ഡോളർ-രൂപ വിനിമയനിരക്ക്, ഇറക്കുമതി തീരുവ തുടങ്ങിയവ സ്വർണവിലയെ നേരിട്ട് ബാധിക്കുന്നു. ഇന്ത്യ ലോകത്തിലെ ഏറ്റവും വലിയ സ്വർണ ഉപഭോക്താക്കളിലൊന്നായതിനാൽ ആഗോള വിപണിയിലെ ചെറിയ മാറ്റങ്ങൾ പോലും ആഭ്യന്തര വിപണിയിൽ വിലയെ സ്വാധീനിക്കും. എന്നിരുന്നാലും, രാജ്യാന്തര വിപണിയിൽ വില കുറയുന്നതിന്റെ പ്രതിഫലം ഇന്ത്യയിലാകുമെന്നുറപ്പില്ല. രൂപയുടെ മൂല്യം, പ്രാദേശിക ആവശ്യകത, ഇറക്കുമതി തീരുവ തുടങ്ങിയ ഘടകങ്ങൾ ഇതിൽ നിർണായകമാണ്.

ഇന്ത്യയിൽ ആഭ്യന്തര വിപണിയിലെ സ്വർണവില പ്രാദേശിക ഗോൾഡ് അസോസിയേഷനുകളാണ് നിശ്ചയിക്കുന്നത്. ആവശ്യകത അനുസരിച്ച് സ്വർണ വില ഉയർത്താനും കുറയ്ക്കാനും അവർക്കുള്ള അധികാരമുണ്ട്. ചില സന്ദർഭങ്ങളിൽ ദിവസത്തിൽ രണ്ടുതവണ വരെ വില പുതുക്കാറുണ്ട്.