വെള്ളറട: യുവാവിനെ വെട്ടിപ്പരുക്കേല്‍പ്പിച്ച സംഭവത്തില്‍ പൊലിസ് കേസെടുക്കുന്നില്ലെന്നു പരാതി. കഴിഞ്ഞ 28ന് രാത്രി 10ന് ബൈക്കില്‍ പോകുകയായിരുന്ന കാരക്കോണംകൃഷ്ണാഞ്ജലിയില്‍ വിഷ്ണു വി. നായര്‍ (26) എന്ന യുവാവിന് പുലിയൂര്‍ശാലയില്‍ ദേവിയോട് സ്വദേശിയായ അജിയുടെ കുത്തേറ്റിരുന്നു. റൂബിമോന്‍ എന്ന യുവാവാണ് കൈയടിച്ചു വണ്ടി നിര്‍ത്തിച്ചത്. പരുക്കേറ്റ യുവാവിനെ പാറശ്ശാല സര്‍ക്കാര്‍ ആശുപത്രിയിലും തുടര്‍ന്ന് തിരുവനന്തപുരം മെഡിക്കല്‍കോളജിലും പ്രവേശിപ്പിച്ചു. വെള്ളറട പൊലിസില്‍ പരാതി നല്‍കിയപ്പോള്‍ സംഭവം തമിഴ്‌നാട്ടിലാണെന്നു വെള്ളറട പൊലിസും അരുമന സ്റ്റേഷനില്‍ പരാതി നല്‍കിയപ്പോള്‍ സംഭവം കേരളത്തിലാണെന്നും കേരളാ പൊലിസാണ് കേസെടുക്കേണ്ടതെന്ന് അരുമന പൊലിസും പറഞ്ഞു കൈമലര്‍ത്തുകയായിരുന്നു.