കണ്ണൂര്‍ : കണ്ണൂരില്‍ ഉളിക്കല്‍ നുച്യാട് വാടകവീട് കേന്ദ്രീകരിച്ച് എംഡിഎംഎ  വില്‍പ്പന നടത്തിയിരുന്ന മൂന്നംഗസംഘത്തെ (യുവതിയടക്കം) ഉളിക്കല്‍ പൊലിസ് അറസ്റ്റ് ചെയ്തു. നുച്യാട് സ്വദേശി മുബഷീര്‍(35) കര്‍ണാടക സ്വദേശികളായ ഹക്കീം(31), കോമള(31) എന്നിവരെയാണ് പ്രത്യേക സ്‌ക്വാഡ് പിടികൂടിയത്. ഇവരില്‍ നിന്ന് അഞ്ച് ഗ്രാം എംഡിഎംഎയും പിടിച്ചെടുത്തു.

നുച്യാട് ക്വാര്‍ട്ടേഴ്‌സില്‍ ആണ് ഇവരുടെ താമസവും മയക്കുമരുന്ന് വില്‍പനയും. രഹസ്യവിവരം കിട്ടിയതിനെ തുടര്‍ന്ന് അന്വേഷിച്ചപ്പോഴാണ് എംഡിഎംഎ കണ്ടെത്തിയത്.