ദുബൈ: 'നമ്മുടെ വേനല്‍ക്കാലം: സുരക്ഷ, സന്തോഷം, നവീകരണം, നേതൃത്വം' എന്ന പ്രമേയത്തില്‍ ദുബൈ പൊലിസിന്റെ 2025ലെ വേനല്‍ക്കാല പരിപാടിക്ക് തുടക്കമായി. 11 മുതല്‍ 18 വയസ്സ് വരെ പ്രായമുള്ള 35 രാജ്യങ്ങളില്‍ നിന്നുള്ള 1,332 വിദ്യാര്‍ത്ഥികള്‍ ഈ വര്‍ഷത്തെ പരിപാടിയില്‍ പങ്കെടുക്കുന്നു.

ALSO READ: യുഎഇ ഗോൾഡൻ വിസ: AI, കാലാവസ്ഥാ മേഖലകളിലെ പ്രതിഭകൾക്ക് മുൻഗണന

ജനറല്‍ ഡിപ്പാര്‍ട്ട്‌മെന്റ് ഓഫ് ആന്റിനാര്‍ക്കോട്ടിക്‌സിന്റെ ഇന്റര്‍നാഷണല്‍ ഹേമയ സെന്റര്‍, വിദ്യാഭ്യാസ മന്ത്രാലയം, ദുബൈയിലെ നോളജ് ആന്‍ഡ് ഹ്യൂമന്‍ ഡെവലപ്‌മെന്റ് അതോറിറ്റി (KHDA), വിവിധ സ്ഥാപനങ്ങള്‍, പൊലിസ് സ്റ്റേഷനുകള്‍, ജനറല്‍ ഡിപ്പാര്‍ട്ട്‌മെന്റുകള്‍ എന്നിവയുടെ സഹകരണത്തോടെയാണ് പരിപാടി സംഘടിപ്പിക്കുന്നത്.

മയക്കുമരുന്ന് വിരുദ്ധ ജനറല്‍ വകുപ്പ് ഡയറക്ടര്‍ മേജര്‍ ജനറല്‍ ഈദ് മുഹമ്മദ് ബിന്‍ താനി ഹാരിബ്, വിദ്യാര്‍ത്ഥികള്‍ക്കായി വേനല്‍ക്കാല പരിപാടികള്‍ സംഘടിപ്പിക്കുന്നതിനുള്ള ദുബൈ പൊലിസിന്റെ പ്രതിബദ്ധത അടിവരയിട്ടു.   

'വിദ്യാര്‍ത്ഥികളുടെ സമയം പരമാവധി പ്രയോജനപ്പെടുത്തുക, ദേശീയ സ്വത്വബോധം വളര്‍ത്തുക, നിയമങ്ങളോടും ചട്ടങ്ങളോടും ഉള്ള ബഹുമാനം പ്രോത്സാഹിപ്പിക്കുക, വിശ്വസ്തതയുടെ മൂല്യങ്ങള്‍ വളര്‍ത്തിയെടുക്കുക, പ്രധാന പ്രശ്‌നങ്ങളെക്കുറിച്ചും അപകടസാധ്യതകളെക്കുറിച്ചും അവബോധമുള്ള ഒരു തലമുറയെ വളര്‍ത്തുക എന്നിവയാണ് പരിപാടിയുടെ ലക്ഷ്യങ്ങള്‍,' അദ്ദേഹം വ്യക്തമാക്കി. 

'ഈ തയ്യാറെടുപ്പുകള്‍ വിദ്യാര്‍ത്ഥികളെ ഉത്തരവാദിത്തത്തോടെയും പ്രൊഫഷണലായും വെല്ലുവിളികളെ നേരിടാന്‍ പ്രാപ്തരാക്കുകയും നിയമപരമായ പ്രശ്‌നങ്ങള്‍ ഒഴിവാക്കാന്‍ സഹായിക്കുകയും ചെയ്യുന്നു,' അദ്ദേഹം കൂട്ടിച്ചേര്‍ത്തു.

വിദ്യാര്‍ത്ഥികളുടെ സ്വഭാവവികാസത്തിന് എല്ലാ സ്ഥാപനങ്ങളുടെയും സഹകരണം അനിവാര്യമാണെന്ന് മേജര്‍ ജനറല്‍ ഹാരിബ് ചൂണ്ടിക്കാട്ടി. ഗവണ്‍മെന്റ്, സ്വകാര്യ മേഖലകള്‍ക്കായി ശാസ്ത്രീയ തത്വങ്ങളില്‍ അധിഷ്ഠിതമായി ഒരു പുതിയ തലമുറ നേതാക്കളെ വളര്‍ത്തിയെടുക്കാന്‍ ഈ പരിപാടി ലക്ഷ്യമിടുന്നു. 40 തന്ത്രപരമായ പങ്കാളികള്‍, ഗവണ്‍മെന്റ്, അര്‍ദ്ധഗവണ്‍മെന്റ് സ്ഥാപനങ്ങള്‍, ദുബൈ പൊലിസിന്റെ വിവിധ ജനറല്‍ വകുപ്പുകള്‍, പൊലിസ് സ്റ്റേഷനുകള്‍ എന്നിരുടെ പിന്തുണയ്ക്ക് അദ്ദേഹം നന്ദി രേഖപ്പെടുത്തി. 

'വര്‍ഷങ്ങളായി പരിപാടിയുടെ സുസ്ഥിരതയും വളര്‍ച്ചയും ഉറപ്പാക്കുന്നതില്‍ ഈ പങ്കാളിത്തം നിര്‍ണായകമാണ്,' അദ്ദേഹം പറഞ്ഞു.

അതേസമയം, ഈ വര്‍ഷത്തെ വേനല്‍ക്കാല കോഴ്‌സുകള്‍ 16 പരിശീലന കേന്ദ്രങ്ങളിലായി നടക്കുമെന്ന് ഇന്റര്‍നാഷണല്‍ ഹേമയ സെന്റര്‍ ഡയറക്ടര്‍ ബ്രിഗേഡിയര്‍ അബ്ദുള്‍ റഹ്മാന്‍ ഷര്‍ഫ് അല്‍ മാമാരി അറിയിച്ചു. 'നിന്റെ അവബോധമാണ് സംരക്ഷണം' എന്ന പ്രമേയത്തില്‍ അഞ്ച് വിഭാഗങ്ങളിലായി പരിശീലന പരിപാടികള്‍, പ്രത്യേക കോഴ്‌സുകള്‍, പ്രഭാഷണങ്ങള്‍, ഫീല്‍ഡ് സന്ദര്‍ശനങ്ങള്‍ എന്നിവ സംഘടിപ്പിക്കും.

ALSO READ: ദുബൈ എയര്‍ ടാക്‌സി പരീക്ഷണപ്പറക്കല്‍ വിജയം; ആദ്യ യാത്ര അടുത്തവര്‍ഷം, അഞ്ചു പേര്‍ക്കിരിക്കാം, 320 കി.മി സ്പീഡ്; വന്‍ ഫീച്ചറുകളും | Dubai air taxi

പരിശീലന പരിപാടികളില്‍ ഫീല്‍ഡ് ട്രെയിനിംഗ്, സൈനിക പരിശീലനം, കായിക പരിശീലനം, ഫ്യൂച്ചര്‍ ഓഫീസര്‍ പ്രോഗ്രാം, കായിക മത്സരങ്ങള്‍ എന്നിവ ഉള്‍പ്പെടുന്നു. പ്രത്യേക കോഴ്‌സുകളില്‍ ലിറ്റില്‍ റെസ്‌ക്യൂ കോഴ്‌സ് (നീന്തല്‍), ഡൈവിംഗ് കോഴ്‌സ്, പ്രോമിസിംഗ് ഇന്‍വെസ്റ്റിഗേറ്റര്‍ കോഴ്‌സ്, മാര്‍ഷ്യല്‍ ആര്‍ട്ട്‌സ്, ലിറ്റില്‍ അസിസ്റ്റന്റ് 901 കോഴ്‌സ്, സൈക്കിള്‍ പട്രോള്‍ കോഴ്‌സ്, സ്വാറ്റ് കോഴ്‌സ് എന്നിവ ഉള്‍പ്പെടുന്നു.

Dubai Police kick off their annual summer program for children, offering training and educational activities at 16 centers across the emirate to promote discipline, leadership, and safety awareness.