തിരുവനന്തപുരം: പരമ്പരാഗത നെയ്ത്തുകാരുടേയും കരകൗശല കലാകാരന്മാരുടേയും നിരവധി ഉല്‍പന്നങ്ങളുമായി വീവേഴ്‌സ് ഓഫ് ഇന്ത്യയുടെ കൈത്തറി കരകൗശല പ്രദര്‍ശനം തിരുവനനന്തപുരം കനകക്കുന്ന് ജവഹര്‍ ബാലഭവനില്‍ ആരംഭിച്ചു. രാജസ്ഥാന്‍, ഉത്തര്‍പ്രദേശ്, ഹരിയാന, ഗുജറാത്ത്, കശ്മീര്‍, ബീഹാര്‍, ബംഗാല്‍ എന്നീ സംസ്ഥാനങ്ങളില്‍ നിന്നുള്ള നിരവധി കൈത്തറി കരകൗശല ഉല്‍പന്നങ്ങള്‍ പ്രദര്‍ശന വിപണന മേളയിലുണ്ട്. എല്ലാദിവസവും രാവിലെ 10 മുതല്‍ രാത്രി ഒന്‍പതുവരെയാണു പ്രദര്‍ശനം.