തിരുവനന്തപുരം: ഗതാഗത നിയമം ലംഘിച്ചതിന് പിഴ അടയ്ക്കണമെന്ന പേരിൽ വരുന്ന വ്യാജ സന്ദേശങ്ങളെ കുറിച്ച് പൊതുജനങ്ങൾക്ക് മുന്നറിയിപ്പുമായി മോട്ടോർ വാഹന വകുപ്പ് (എംവിഡി). "E-Challan Report RTO" എന്ന പേരിൽ എത്തുന്ന APK ഫയൽ ലിങ്ക് തുറന്നാൽ, ഉപഭോക്താക്കളുടെ ബാങ്ക് വിവരങ്ങൾ, പാസ്‌വേഡുകൾ തുടങ്ങിയ ഡാറ്റകൾ ഹാക്കർമാർ കൈവശപ്പെടുത്താൻ സാധ്യതയുണ്ടെന്നും അതിനാൽ ഒരു കാരണവശാലും ഇത്തരം ലിങ്കുകൾ തുറക്കരുതെന്നും അധികൃതർ അറിയിച്ചു.

എംവിഡി, പൊലീസ് എന്നിവ സമൂഹ മാധ്യമങ്ങളായ വാട്ട്‌സ്ആപ്പ്, ഇമെയിൽ എന്നിവയിലൂടെ ഇത്തരം പിഴ അടയ്ക്കാനുള്ള സന്ദേശങ്ങൾ അയയ്ക്കാറില്ല. സാധാരണയായി ചലാൻ വിവരങ്ങൾ രജിസ്റ്റർ ചെയ്ത മൊബൈൽ നമ്പറിലേക്ക് മാത്രമേ ലഭിക്കൂ.

ഇത്തരം സന്ദേശങ്ങൾ കിട്ടുന്നെങ്കിൽ, https://echallan.parivahan.gov.in എന്ന ഔദ്യോഗിക സൈറ്റിൽ "Check Pending Transaction" എന്ന ഓപ്ഷനിൽ വാഹന നമ്പർ അല്ലെങ്കിൽ ചലാൻ നമ്പർ നൽകി പരിശോധിക്കാം. പണം നഷ്ടപ്പെട്ടാൽ ഉടൻ 1930 ഹെൽപ്‌ലൈൻ നമ്പറിലേക്ക് വിളിക്കണമെന്ന് എംവിഡി അറിയിച്ചിട്ടുണ്ട്.

Opening fake e-challan links sent via SMS or WhatsApp can lead to financial loss, warns the Motor Vehicles Department (MVD). The messages, often titled "E-Challan Report RTO," contain malicious APK files that steal bank details and passwords.