കൊച്ചി: നെടുമ്പാശ്ശേരി വിമാനത്താവളത്തില്‍ മൂന്നു വയസുള്ള കുഞ്ഞ് മാലിന്യക്കുഴിയില്‍ വീണ് മരിച്ച കേസില്‍ സിയാലിനെ സംരക്ഷിക്കുകയാണ് പൊലിസ്്. കേസില്‍ മനപ്പൂര്‍വമല്ലാത്ത നരഹത്യ ചുമത്തി കോണ്‍ട്രാക്ടറെ മാത്രം പ്രതിയാക്കി കുറ്റപത്രം സമര്‍പിക്കും. വിമാനത്താവളത്തിനു വീഴ്ചയൊന്നും സംഭവിച്ചിട്ടില്ലെന്നാണ് പൊലിസ് പറയുന്നത്.

കഴിഞ്ഞ മാസം ഏഴാം തിയതിയാണ് രാജസ്ഥാന്‍ ദമ്പതികളുടെ മകന്‍ റിതാന്‍ എന്ന കുട്ടി മാലിന്യക്കുഴിയില്‍ വീണ് മരിച്ചത്. മാലിന്യക്കുഴി അലക്ഷ്യമായി തുറന്നിട്ടിരിക്കുകയായിരുന്നുവെന്നും അപകടസ്ഥലത്ത് മുന്നറിയിപ്പ് ബോര്‍ഡുകള്‍ സ്ഥാപിച്ചിരുന്നില്ലെന്നും വിമര്‍ശനം ഉയര്‍ന്നിരുന്നു.