ബോളിവുഡ് നടൻ സുശാന്ത് സിങ് രജ്പുത്തിന്റെ മരണം സിനിമാ ലോകത്തെയും ആരാധകരെയും ഞെട്ടിച്ച സംഭവമായിരുന്നു. സംഭവത്തിന് പിന്നാലെ കാമുകിയും നടിയുമായ റിയ ചക്രബർത്തിയെ പൊലീസ് അറസ്റ്റ് ചെയ്തു. 27 ദിവസത്തോളം ബൈക്കുള ജയിലിൽ തടവിലായ റിയക്കെതിരെ സുശാന്തിന് വേണ്ടി മയക്കുമരുന്ന് വാങ്ങിയെന്നാരോപണം ഉന്നയിച്ചിരുന്നു. അതിനു പിന്നാലെ സൈബർ ആക്രമണത്തിനും മാധ്യമ വേട്ടയ്ക്കും റിയ ഇരയായി.

ഇപ്പോൾ, സുശാന്തിന്റെ മരണത്തിൽ സി.ബി.ഐ അന്തിമ അന്വേഷണ റിപ്പോർട്ട് സമർപ്പിച്ചതിന് പിന്നാലെ റിയയുടെ അഭിഭാഷകൻ സി.ബി.ഐയ്ക്ക് നന്ദി രേഖപ്പെടുത്തി.

"മാധ്യമങ്ങളിലും സമൂഹമാധ്യമങ്ങളിലും റിയയും കുടുംബവും അസത്യ പ്രചാരണങ്ങൾക്കിരയായി. അവർ ഏറെ കഷ്ടപ്പെട്ടെങ്കിലും മനുഷ്യത്വരഹിതമായ ആക്രമണങ്ങൾ നേരിട്ടിട്ടും നിശബ്ദത പാലിച്ചു. ഇത് ആദരിക്കപ്പെടേണ്ടതാണ്," റിയയുടെ അഭിഭാഷകൻ സതീഷ് മനേഷിൻഡേ പറഞ്ഞു. "നീതി തേടുന്നവർക്കായി ഈ രാജ്യം ഇപ്പോഴും സുരക്ഷിതമാണ്. കേസിലെ എല്ലാ വശങ്ങളും അന്വേഷിച്ചതിന് സി.ബി.ഐയ്ക്ക് നന്ദി."

ജയിലിലെ 27 ദിവസത്തെ അനുഭവം തനിക്ക് നരകതുല്യമായിരുന്നു എന്ന് റിയ മുൻപ് അഭിമുഖത്തിൽ തുറന്ന് പറഞ്ഞിരുന്നു. "സ്വർഗമോ നരകമോ എന്നത് മനസ്സിന്റെ തിരഞ്ഞെടുപ്പാണ്. യുദ്ധം മനസ്സിന്റെ ഉള്ളിലാണ്. ഹൃദയത്തിൽ ആഗ്രഹവും ശക്തിയും ഉണ്ടെങ്കിൽ നിങ്ങൾ വിജയിക്കും."

സുശാന്തിന്റെ മാനസികാരോഗ്യത്തെക്കുറിച്ചും റിയ പ്രതികരിച്ചു. "ഇന്ത്യയിൽ മാനസികാരോഗ്യത്തെക്കുറിച്ച് ഉള്ള ബോധവൽക്കരണം കുറവാണ്. പ്രശസ്തരായ ആളുകൾ പോലും മാനസികാരോഗ്യ പ്രശ്നങ്ങൾ അനുഭവിക്കുമ്പോൾ, ആളുകൾ അതിനെക്കുറിച്ച് മനസ്സിലാക്കുന്നില്ല."

2020 ജൂണിൽ സുശാന്തിനെ തന്റെ മുംബൈയിലെ വസതിയിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. ഇപ്പോൾ, അഞ്ച് വർഷത്തിന് ശേഷം, പുറത്തുവന്ന അന്തിമ റിപ്പോർട്ടിൽ മരണത്തിൽ ദുരൂഹതയില്ലെന്ന് സി.ബി.ഐ വ്യക്തമാക്കിയിട്ടുണ്ട്.

After spending 27 days in Byculla Jail following her arrest in the Sushant Singh Rajput drug case, actress Rhea Chakraborty faced intense cyber harassment and media trials. Now, with the CBI's final report ruling out foul play, Rhea’s lawyer expressed gratitude to the agency, stating that the family endured false propaganda and inhumane treatment in silence.