കോഴിക്കോട്: കോഴിക്കോട് വേദവ്യാസ സൈനിക സ്‌കൂള്‍ ഹോസ്റ്റലില്‍ നിന്ന് ചാടിപ്പോയ ബിഹാര്‍ സ്വദേശി സന്‍സ്‌കാര്‍ കുമാര്‍(13) എന്ന കുട്ടിയെ അഞ്ചു ദിവസമായിട്ടും കണ്ടെത്തെന്‍ കഴിഞ്ഞില്ല. കുട്ടി കേരളത്തില്‍ നിന്നു പുറത്തു കടന്നു എന്ന അടിസ്ഥാനത്തില്‍ പൂനെ, ജാര്‍ഖണ്ഡ് എന്നിവിടങ്ങളിലേക്കും പൊലിസ് അന്വേഷണം വ്യാപിച്ചിട്ടുണ്ട്.

പുലര്‍ച്ചെ ഒരുമണിയോടെയാണ് ഹോസ്റ്റലിന്റെ ഒന്നാം നിലയില്‍ നിന്ന് കേബിളില്‍ പിടിച്ചിറങ്ങിയ കുട്ടി താഴേക്ക് എറിഞ്ഞ കിടക്കയിലേക്ക് ചാടി പുറത്തു കടന്നത്. മൊബൈല്‍ ഫോണ്‍ കൈയില്‍ ഇല്ലാത്ത കുട്ടിയുടെ കൈയില്‍ രണ്ടായിരം രൂപ ഉണ്ടായിരുന്നുവെന്നും സ്‌കൂളില്‍ കുട്ടിക്ക് വേറെ പ്രശ്‌നങ്ങളൊന്നും ഉണ്ടായിരുന്നില്ലെന്നും പ്രിന്‍സിപ്പല്‍ പറഞ്ഞു. കുട്ടിയുടെ തിരച്ചില്‍ പൂനെ, ജാര്‍ഖണ്ഡ് എന്നിവിടങ്ങളിലേക്കും വ്യാപിപ്പിച്ചു. 

ഹോസ്റ്റലിന്റെ ഒന്നാം നിലയില്‍ നിന്നു കേബിളില്‍ പിടിച്ച് അതിസാഹസികമായിട്ടാണ് താഴോട്ടിറങ്ങിയത്. കുട്ടിക്കു മൊബൈല്‍ ഫോണ്‍ ഇല്ല. കുട്ടിയുടെ രക്ഷിതാക്കള്‍ക്കും ഇതുവരെ വിവരമൊന്നും ലഭിച്ചിട്ടില്ല. ഹോസ്റ്റലില്‍ നിന്നു ചാടിയ കുട്ടി കോഴിക്കോട് റെയില്‍വേ സ്‌റ്റേഷനില്‍ എത്തി അവിടെനിന്ന് പാലക്കാട്ടേക്കു പോയെന്ന് പൊലിസ് കണ്ടെത്തി. പാലക്കാട് റെയില്‍വേസ്റ്റേഷനിലെ സിസിടിവി ദൃശ്യങ്ങള്‍ പൊലിസിന് ലഭിച്ചു. ധന്‍ബാദ്, പൂനെ എന്നിവ കേന്ദ്രീകരിച്ചാണ് പൊലിസിന്റെ അന്വേഷണം.