ദുബൈ: ദുബൈ ഹാര്‍ബറിലേക്കുള്ള റോഡുമായി കിങ് സല്‍മാന്‍ സ്ട്രീറ്റിന്റെ ഇന്റര്‍സെക്ഷനില്‍ ഇന്നുമുതല്‍ താല്‍ക്കാലിക ഗതാഗത വഴിതിരിച്ചുവിടല്‍ ഏര്‍പ്പെടുത്തുമെന്ന് ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) അറിയിച്ചു. ദുബൈ ഹാര്‍ബറിലേക്കുള്ള പാലങ്ങളുടെ നിര്‍മാണ പ്രവൃത്തികള്‍ നടക്കുന്നതിനാലാണ് വഴിതിരിച്ചുവിടല്‍.

മറീന പ്രദേശത്തുനിന്ന് ജുമൈറയിലേക്കും ദുബൈ ഹാര്‍ബറിലേക്കും വരുന്നവര്‍ക്കായി കിങ് സല്‍മാന്‍ സ്ട്രീറ്റില്‍ നിന്ന് മുന്നിലേക്കും ഇടത്തേയ്ക്കുമുള്ള വാഹന നീക്കങ്ങള്‍ റദ്ദാക്കുകയും, അല്‍ മാര്‍സ സ്ട്രീറ്റ് വഴി അല്‍ ഖായ് സ്ട്രീറ്റ്, തുടര്‍ന്ന് അല്‍ നസീം സ്ട്രീറ്റ്, കിങ് സല്‍മാന്‍ സ്ട്രീറ്റ് എന്നിവ വഴി തിരിച്ചുവിടുകയും ചെയ്യുമെന്ന് ആര്‍.ടി.എ വ്യക്തമാക്കി.

ALSO READ: തജിക്ക് ഗായകനും മുന്‍ ബിഗ് ബോസ്സ് താരവുമായ അബ്ദു റോസിക്ക് ദുബൈയില്‍ അറസ്റ്റില്‍; മോഷണക്കുറ്റമെന്ന് റിപ്പോര്‍ട്ട്

യാത്രക്കാര്‍ മുന്‍കൂട്ടി യാത്രകള്‍ ആസൂത്രണം ചെയ്യാനും ദിശാസൂചനകള്‍ പിന്തുടരാനും കാലതാമസം ഒഴിവാക്കാന്‍ അധിക യാത്രാസമയം കണക്കാക്കാനും അധികൃതര്‍ നിര്‍ദേശിച്ചു. നിര്‍മാണ പ്രവര്‍ത്തനങ്ങള്‍ പൂര്‍ത്തിയാകുന്നതുവരെ ജാഗ്രത പാലിക്കണമെന്നും, പുതിയ ഗതാഗത നിര്‍ദേശങ്ങള്‍ ശ്രദ്ധിക്കണമെന്നും ആര്‍.ടി.എ വൃത്തങ്ങള്‍ അഭ്യര്‍ഥിച്ചു.

A temporary traffic diversion will be in place at the intersection of King Salman Street with the road leading to Dubai Harbour from Sunday, July 13, the Roads and Transport Authority (RTA) announced.