തിരുവനന്തപുരം വിമാനത്താവളത്തിലെ ഐബി ജീവനക്കാരിയായ മേഖലയുടെ മരണത്തിൽ സാമ്പത്തിക ചൂഷണം നടന്നുവെന്ന ആരോപണമായി പിതാവ് മധുസൂദനൻ. ഐബി ഉദ്യോഗസ്ഥനായ സുകാന്ത് സുരേഷ് മേഘയെ സാമ്പത്തികമായി ചൂഷണം ചെയ്തു എന്നാണ് പിതാവ് ആരോപിച്ചത്. ഫെബ്രുവരി മാസത്തെ ശമ്പളം ഉൾപ്പെടെ സുകാന്ത് സുരേഷിന്റെ അക്കൗണ്ടിലേക്ക് മേഘ അയച്ചു നൽകിയെന്നും മരണസമയത്ത് തന്റെ മകളുടെ അക്കൗണ്ടിൽ വെറും 80 രൂപ മാത്രമാണ് ഉണ്ടായിരുന്നതെന്ന് പിതാവ് ചൂണ്ടിക്കാട്ടി. മേഖയുടെ അക്കൗണ്ട് വിവരങ്ങൾ പൊലിസിന് കൈമാറുകയും ചെയ്തിട്ടുണ്ട്. 

മേഘയുടെ ബാങ്ക് അക്കൗണ്ട് സ്റ്റേറ്റ്മെന്റുകൾ പരിശോധിച്ചപ്പോഴാണ് ഇക്കാര്യം വ്യക്തമായത്. പലസ്ഥലങ്ങളിലായി എടിഎം കാർഡ് ഉപയോഗിച്ച് സാമ്പത്തിക ഇടപാടുകൾ നടന്നിട്ടുണ്ട്. ഫെബ്രുവരി 28ന് ലഭിച്ച ശമ്പളം വരെ മേഘ ഇയാൾക്ക് ട്രാൻസ്ഫർ ചെയ്തിട്ടുണ്ട്. എല്ലാ മാസവും ഇത്തരത്തിൽ പണം ഇടപാട് നടന്നിട്ടുണ്ട്. ഓരോ മാസത്തെയും ചിലവിനു വേണ്ടി മേഘയ്ക്ക് സുകാന്ത്‌ കുറച്ചു പണം അയച്ചു നൽകിയതായി ബാങ്ക് സ്റ്റേറ്റ്മെന്റിൽ നിന്നും വിവരങ്ങൾ ലഭിച്ചിട്ടുണ്ട്. 

ജോലിയുടെ പരിശീലന സമയത്ത് ആയിരുന്നു മേഖ സുകാന്തുമായി പരിചയത്തിൽ ആവുന്നത്. മലപ്പുറം എടപ്പാൾ സ്വദേശിയാണ് സുകാന്ത്‌. മലപ്പുറം സ്വദേശിയുമായി പ്രണയത്തിലായിരുന്നു എന്ന് മേഖ വീട്ടിൽ പറഞ്ഞിരുന്നു. മേഘയുടെ കാർ എറണാകുളം ടോൾ കടന്നതായി സന്ദേശം ലഭിച്ചതിന് പിന്നാലെ കാർ മോഷണം പോയതാണോ എന്ന് കരുതി മാതാപിതാക്കൾ മേഖലയെ വിളിച്ചപ്പോഴാണ് സുകാന്തിനൊപ്പം മേഖ എറണാകുളത്താണ് എന്നുള്ള വിവരം ഇവർക്ക് ലഭിച്ചിരുന്നത്. 

മാർച്ച് 24നായിരുന്നു മേഘയെ മരിച്ച നിലയിൽ കണ്ടെത്തിയിരുന്നത്. പത്തനംതിട്ട ജില്ല സ്വദേശിയാണ് മേഘ. ജോലി കഴിഞ്ഞു മടങ്ങുക മേഘയുടെ മൃതദേഹം ചാക്ക റെയിൽവേ സ്റ്റേഷനിൽ നിന്നുമാണ് ലഭിച്ചിരുന്നത്. പ്രണയ നൈരാശ്യമാണ്‌ മരണത്തിന് കാരണമായതെന്ന് പൊലിസ് കണ്ടെത്തിയിരുന്നു. സുകാന്ത്‌ മേഖയുമായുള്ള ബന്ധത്തിൽ നിന്നും പിൻമാറിയിരുന്നു. ഇതിന്റെ മനോവിഷമത്തിലാണ് മേഘ ആത്മഹത്യ ചെയ്തതെന്നാണ് പോലീസിന്റെ വിലയിരുത്തൽ.

Meghas incident Father alleges IB officer exploited daughter financially