ജിദ്ദ/ദുബൈ: സഊദിയിൽ ശവ്വാൽ മാസപിറവി ദൃശ്യമായി. ഒരു മാസത്തെ വ്രതാനുഷ്ടാനത്തിൻ്റെ പരിശുദ്ധിയിൽ വിശ്വാസി സമൂഹം നാളെ (ഞായറാഴ്ച) ചെറിയ പെരുന്നാൾ ആഘോഷിക്കും. രാജ്യത്തെ തുമൈറിൽ ആണ് മാസപിറവി ദൃശ്യമായത്.

അതെ സമയം, ഒമാനിൽ തിങ്കളാഴ്ചയാണ് ചെറിയ പെരുന്നാൾ. നാളെ റമദാന്‍ 30 പൂര്‍ത്തിയാക്കി മറ്റന്നാള്‍ ആയിരിക്കും ഈദുല്‍ ഫിത്വര്‍. ശനിയാഴ്ച റമദാന്‍ 29 പൂര്‍ത്തിയാകുന്ന സാഹചര്യത്തില്‍ ശവ്വാല്‍ മാസപ്പിറവി നിരീക്ഷിക്കാന്‍ രാജ്യത്തെ എല്ലാ പൗരന്മാരോടും സുപ്രീം കോടതി ആവശ്യപ്പെട്ടിരുന്നു. നഗ്നനേത്രങ്ങളിലൂടെയോ ടെലിസ്‌കോപ്പിലൂടെയോ മാസപ്പിറവി കണ്ടവര്‍ അടുത്തുള്ള കോടതിയില്‍ ഹാജരായി വിവരം സാക്ഷ്യപ്പെടുത്തണമെന്നും കോടതി ആവശ്യപ്പെട്ടിരുന്നു. രാവിലെ സൂര്യോദയത്തിന് ശേഷം പതിനഞ്ചു മിനിറ്റിനു ശേഷമാണ് സഊദിയില്‍ പെരുന്നാള്‍ നമസ്‌കാരം. മഴ പെയ്യുന്ന സാഹചര്യമുണ്ടായാല്‍ ഈദു ഗാഹുകളിലെ നമസ്‌കാരം മസ്ജിദുകളിലേക്ക് മാറ്റും.

മാസപ്പിറവി കണ്ടതിനെ തുടര്‍ന്ന് യുഎഇയിലും നാളെയാണ് ചെറിയ പെരുന്നാള്‍. ശവ്വാല്‍ ഒന്നു മുതല്‍ ശവ്വാല്‍ മൂന്നു വരെയാണ് രാജ്യത്തെ പെരുന്നാള്‍ അവധി.