എസ്എസ്എല്‍സി ഫലം പ്രസിദ്ധീകരിച്ചു. വിദ്യാര്‍ഥികള്‍ക്ക് ഔദ്യോഗിക വെബ്‌സൈറ്റ് സന്ദര്‍ശിച്ച് ഫലമറിയാം. തിരുവനന്തപുരത്ത് നടത്തിയ വാര്‍ത്താ സമ്മേളനത്തില്‍ വിദ്യാഭ്യാസ മന്ത്രി വി ശിവന്‍കുട്ടിയാണ് ഫലം പ്രഖ്യാപിച്ചത്. 

99.5 ശതമാനം വിജയമാണ് ഇത്തവണ സംസ്ഥാനത്ത് ഉണ്ടായത്. 42,4583 കുട്ടികള്‍ ഉപരിപഠനത്തിന് യോഗ്യത നേടി. ഇതില്‍ 61449 കുട്ടികള്‍ക്ക് ഫുള്‍ എ പ്ലസ് ലഭിച്ചു.

വിദ്യാര്‍ഥികള്‍ക്ക് ഫലമറിയുന്നതിന് ചുവടെ നല്‍കിയ വെബ്‌സൈറ്റുകള്‍ ഉപയോഗിക്കാം. 

1. https://pareekshabhavan.kerala.gov.in/

2. https://kbpe.kerala.gov.in

3. https://results.digilocker.kerala.gov.in

4. https://sslcexam.kerala.gov.in

5. https://prd.kerala.gov.in

6. https://results.kerala.gov.in

7. https://examresults.kerala.gov.in

8. https://results.kite.kerala.gov.in

ഏറ്റവും കൂടുതല്‍ വിജയശതമാനമുള്ള ജില്ല കണ്ണൂരാണ്. 99.84 ശതമാനമാണ് കണ്ണൂരിലെ വിജയം. വിജയശതമാനം കുറവുള്ള ജില്ല തിരുവനന്തപുരം. 

ഏറ്റവും കൂടുതല്‍ ഫുള്‍ എ പ്ലസ് ലഭിച്ച ജില്ല ഇത്തവണയും മലപ്പുറമാണ്. 4115 കുട്ടികളാണ് ഫുള്‍ എ പ്ലസ് നേടിയത്. 

അതേസമയം പുനര്‍ മൂല്യനിര്‍ണയം, സൂക്ഷ്മ പരിശോധന നടപടികള്‍ മെയ് 12 മുതല്‍ ആരംഭിക്കും. 15 വരെ വിദ്യാര്‍ഥികള്‍ക്ക് അപേക്ഷ നല്‍കാം. ഈ മാസം 28 മുതല്‍ ജൂണ്‍ അഞ്ച് വരെ സേ പരീക്ഷ നടത്തും.