കോട്ടയം: രാഷ്ട്രപതി ദ്രൗപതി മുർമുവിന്റെ കേരള സന്ദർശനം റദ്ദാക്കി. അതിര്‍ത്തിയിലെ സംഘര്‍ഷവും അക്രമസാധ്യതകളും കണക്കിലെടുത്താണ് സന്ദർശനം റദ്ദാക്കിയതെന്നാണ് വിവരം. ഈ മാസം 18ന് രാഷ്ട്രപതി ദ്രൗപദി മുർമു കേരളത്തിലെത്തും എന്നായിരുന്നു നേരത്തെ അറിയിച്ചിരുന്നത്. 19ന് ശബരിമല ദർശനം നടത്തും എന്നായിരുന്നു അറിയിച്ചിരുന്നത്. ഇടവ മാസ പൂജയ്ക്കായി ശബരിമല തുറക്കുന്ന സമയത്താണ് രാഷ്ട്രപതി എത്തുമെന്നറിയിച്ചിരുന്നത്. മേയ് 14നാണ് ഇടവ മാസ പൂജകൾക്കായി ശബരിമല ക്ഷേത്രം തുറക്കുന്നത്. ഇതിനായി ദേവസ്വം ബോര്‍ഡും സര്‍ക്കാരും നിലക്കല്‍ ഹെലിപ്പാടിന് സമീപത്തെ റോഡുകളുടെ വികസനം ഉൾപ്പെടെ നിരവധി ക്രമീകരണങ്ങൾ ആരംഭിച്ചിരുന്നു. എന്നാല്‍ രാഷ്ട്രപതി എത്തില്ലെന്ന് ദേവസ്വം ബോര്‍ഡിനെ അറിയിച്ചെന്നാണ് വിവരം.

രാഷ്ട്രപതിയുടെ ദർശനദിനത്തിൽ വെർച്വൽ ക്യൂ ബുക്കിംഗിൽ ഉൾപ്പെടെ ദേവസ്വം ബോർഡ് നിയന്ത്രണങ്ങൾ ഏർപ്പെടുത്തിയിരുന്നു. ഈ നിയന്ത്രണങ്ങൾ ഇപ്പോൾ ഒഴിവാക്കിയിട്ടുണ്ട്.

President Droupadi Murmu’s scheduled visit to Kerala has been cancelled. No official reason has been disclosed yet for the sudden change in plans. Further updates are awaited.