ബെംഗളൂരു: സഹോദരനെ മർദിച്ച് അവശനാക്കിയ ശേഷം യുവതിയെ ബലാത്സംഗം ചെയ്‌ത കേസിൽ കർണാടക കോലാർ സ്വദേശികളായ ആസിഫ്, സയ്യിദ് മുസ്‌ഹർ എന്നിവരെ പൊലീസ് അറസ്റ്റ് ചെയ്തു. കെആർ പുരം റെയിൽവേ സ്റ്റേഷനുസമീപം ബിഹാർ സ്വദേശിയായ യുവതിയാണ് ബലാത്സംഗത്തിനിരയായത്.

ബുധനാഴ്ച പുലർച്ചെ ഒന്നരയോടെയായിരുന്നു ഈ ക്രൂരത. ബിഹാറിലേക്ക് മടങ്ങുന്നതിനായി ബെംഗളൂരുവിലെത്തിയ യുവതി കെആർ പുരം സ്റ്റേഷനിൽ ട്രെയിനിറങ്ങി. യുവതിയുടെ അമ്മാവന്റെ മകൻ അവിടെനിന്ന് ഇവരെ കൂട്ടിക്കൊണ്ടുപോയി. ഈ സമയത്താണ് ഓട്ടോയിൽ എത്തിയ പ്രതികൾ ഇവരെ ആക്രമിച്ചത്.

ആസിഫ് യുവതിയെ ആളൊഴിഞ്ഞ സ്ഥലത്തേക്ക് വലിച്ചിഴച്ച് ബലാത്സംഗം ചെയ്യുകയായിരുന്നു. ഇതേ സമയം, സയ്യിദ് മുസ്‌ഹർ യുവതിയുടെ സഹോദരനെ മർദിച്ച് അവശനാക്കുകയും പിടിച്ചുവയ്ക്കുകയും ചെയ്തു. യുവതിയുടെ കരച്ചിലും ബഹളവും കേട്ടെത്തിയ നാട്ടുകാരാണ് യുവതിയെ രക്ഷിച്ചത്. ഒടുവിൽ, രക്ഷപ്പെടാൻ ശ്രമിച്ച പ്രതികളിൽ ഒരാളെ നാട്ടുകാർ പിടികൂടി പോലീസിൽ ഏൽപ്പിച്ചു. തുടർന്ന് രണ്ടാമത്തെ പ്രതിയെയും പൊലീസ് അറസ്റ്റ് ചെയ്തു.സംഭവത്തിൽ പൊലീസ് വിശദമായ അന്വേഷണം തുടരുന്നതായി വൈറ്റ്ഫീൽഡ് ഡെപ്യൂട്ടി കമ്മീഷണർ അറിയിച്ചു.

Bengaluru: A woman from Bihar was sexually assaulted near KR Puram railway station after her brother was beaten and overpowered. The accused, identified as Asif and Syed Mushar, were arrested by the police. The incident occurred in the early hours when the woman, who had arrived in Bengaluru to travel home, was attacked by the duo. Locals intervened and helped rescue the victim, leading to the arrest of the suspects. Police have launched a detailed investigation.