കിംവദന്തികളും വ്യാജ വിവരങ്ങളും പ്രചരിപ്പിക്കുന്നത് ഒഴിവാക്കാനും വിശ്വസനീയമായ മാധ്യമങ്ങളിൽ നിന്നുള്ള വിവരങ്ങൾ മാത്രം ഉപയോഗിക്കാനും അബൂദബി പൊലിസ് പൊതുജനങ്ങളോട് ആവശ്യപ്പെട്ടു. ഇന്നലെയാണ് അബൂദബി പൊലിസ് ഇതുമായി ബന്ധപ്പെട്ട അറിയിപ്പ് നൽകിയത്.  തെറ്റിദ്ധരിപ്പിക്കുന്ന വിവരങ്ങൾ കൈകാര്യം ചെയ്യുന്നതിൽ സമൂഹത്തിലെ അംഗങ്ങളുടെ പങ്ക് വളരെ വലുതാണെന്നും അബൂദബി പൊലിസ് കൂട്ടിച്ചേർത്തു.

സമൂഹ മാധ്യമങ്ങളിൽ വാർത്തകൾ പ്രചരിപ്പിക്കുന്നതിന് മുമ്പ് വിവരങ്ങൾ പരിശോധിച്ചുറപ്പിക്കണമെന്നും എല്ലാവരുടെയും സുരക്ഷ ഉറപ്പാക്കണമെന്നും അതോറിറ്റി നിർദേശിച്ചു

രാജ്യത്തിന്റെ പ്രശസ്തിക്കോ അന്തസ്സിനോ ദോഷം വരുത്തുക എന്ന ഉദ്ദേശ്യത്തോടെ വിവരങ്ങൾ, വാർത്തകൾ, ദൃശ്യ സാമഗ്രികൾ അല്ലെങ്കിൽ കിംവദന്തികൾ ഓൺലൈനിൽ പ്രസിദ്ധീകരിക്കുന്നത് 500,000 ദിർഹം വരെ പിഴയും 5 വർഷം വരെ തടവും ലഭിക്കാൻ സാധ്യതയുള്ള കുറ്റമാണെന്നും അതോറിറ്റി ഓർമ്മിപ്പിച്ചു.

Abu Dhabi Police has called on the public to refrain from spreading rumors and misinformation, emphasizing the importance of relying only on credible sources. The warning was issued yesterday, highlighting the critical role community members play in combating misleading information. Stay informed and verify facts before sharing.