ഹാമിൽട്ടൺ: കാനഡയിലെ ഒന്റാറിയോയിലെ ഹാമിൽട്ടൺ നഗരത്തിൽ നടന്ന വെടിവയ്പിൽ ഇന്ത്യൻ വിദ്യാർത്ഥിനി കൊല്ലപ്പെട്ടു. മൊഹാക്ക് 
യൂണിവേഴ്സിറ്റിയിൽ പഠിക്കുന്ന ഹർസിമ്രത് രൺധാവ (21)യാണ് മരിച്ചത്. ബുധനാഴ്ച രാത്രി ജോലിക്ക് പോകാനായി ബസ് സ്റ്റോപ്പിൽ കാത്തുനിന്ന വിദ്യാർത്ഥിനിക്ക് നേരെ, അഞ്ജാതർ തമ്മിലുള്ള വെടിവയ്പിൽ ഉന്നം തെറ്റിയ വെടിയുണ്ടയേറ്റാണ് മരണം സംഭവിച്ചത്.

ഹാമിൽട്ടൺ പോലീസിന്റെ പ്രാഥമിക അന്വേഷണത്തിൽ, കറുത്ത മെഴ്‌സിഡസ് എസ്‌യുവിയിൽ നിന്ന് എതിർ ദിശയിലുള്ള സെഡാനിലേക്ക് വെടിയുതിർക്കുകയും ഇതിൽ ഒരു വെടിയുണ്ട ഉന്നം പിഴച്ച് വിദ്യാർഥിനിക്കേൽക്കുകയായിരുന്നു. തുടർന്ന് ഇരു വാഹനങ്ങളും സംഭവസ്ഥലം വിട്ട് രക്ഷപ്പെടുകയും ചെയ്തതായി കണ്ടെത്തി. അപ്പർ ജെയിംസ്, സൗത്ത് ബെൻഡ് റോഡ് സ്ട്രീറ്റുകൾക്ക് സമീപമാണ് സംഭവം. നെഞ്ചിൽ വെടിയേറ്റ ഹർസിമ്രത്തിനെ  പൊലീസ് ഉടൻ ആശുപത്രിയിൽ എത്തിച്ചെങ്കിലും ഗുരുതരമായ പരിക്കുകൾ മൂലം മരണപ്പെടുകയായിരുന്നു.

ടൊറന്റോയിലെ ഇന്ത്യൻ കോൺസുലേറ്റ് ഹർസിമ്രത്തിന്റെ മരണത്തിൽ ദുഃഖം രേഖപ്പെടുത്തി. നിലവിൽ അന്വേഷണം നടക്കുന്നുണ്ട്, ഞങ്ങൾ അവളുടെ കുടുംബവുമായി ബന്ധപ്പെട്ട് എല്ലാ സഹായവും നൽകുന്നുണ്ട്. ഈ ദുഃഖവേളയിൽ ഞങ്ങളുടെ പ്രാർത്ഥനകൾ കുടുംബത്തോടൊപ്പമാണ്," കോൺസുലേറ്റ് എക്‌സിൽ പോസ്റ്റ് ചെയ്തു.

 

 

മൊഹാക്ക്  യൂണിവേഴ്സിറ്റി അധികൃതരും സംഭവത്തിൽ അനുശോചനം അറിയിച്ചു. ഹർസിമ്രത്തിന്റെ നഷ്ടം ഞങ്ങളെ ആകെ ബാധിച്ചിരിക്കുന്നു. അവളുടെ കുടുംബത്തിനും സുഹൃത്തുക്കൾക്കും എല്ലാ പിന്തുണയും നൽകാൻ ഞങ്ങൾ പ്രതിജ്ഞാബദ്ധരാണ്, യൂണിവേഴ്സിറ്റി വക്താവ് പ്രസ്താവനയിൽ പറഞ്ഞു.

A 21-year-old Indian student, Harsimrat Randhawa, was fatally shot in a gang-related shootout in Hamilton, Canada. The Mohawk College student was an innocent bystander waiting at a bus stop when a stray bullet struck her. Hamilton police are investigating the homicide.