തിരുവനന്തപുരം:  കെഎസ്ആര്‍ടിസി ബസ് ഡ്രൈവറില്ലാതെ പിന്നോട്ടോടി. കാട്ടാക്കട ബസ് സ്റ്റാന്‍ഡില്‍ ഇന്നലെ രാത്രിയാണ് സംഭവം നടന്നത്. നിര്‍ത്തിയിട്ട കെഎസ്ആര്‍ടിസി ബസ് പിന്നോട്ടേക്ക് നീങ്ങുകയായിരുന്നു. ബസ് മറ്റൊരു ബസിലിടിച്ചാണ് അപകടമുണ്ടായത്.

അപകടത്തില്‍ മൂന്നുപേര്‍ക്ക് പരിക്കേല്‍ക്കുകയും ചെയ്തു. ആംബുലന്‍സ് വരുത്തിയാണ് ഇവരെ ആശുപത്രിയിലേക്ക് മാറ്റിയത്. യാത്രക്കാരുടെ പരിക്ക് ഗുരുതരമല്ലെന്നും പൂവാറിലേക്ക് പോകാനുള്ള കെഎസ്ആര്‍ടിസി ബസിലാണ് ഡ്രൈവറില്ലാതെ പിന്നോട്ടോടിയ ബസ് ഇടിച്ചത്.