തിരുവനന്തപുരം: തിരുവനന്തപുരം മാര്‍ ഇവാനിയോസ് കോളജ് ഗ്രൗണ്ടില്‍ ആര്‍എസ്എസ് പരിശീലന ക്യാംപ്. ഏപ്രില്‍ 18 മുതലാണ് ക്യാംപ്
ആരംഭിച്ചത്. പരിശീലനത്തിന്റെ ദൃശ്യങ്ങള്‍ മീഡിയവണ്‍ ആണ് പുറത്തു വിട്ടത്.

മെയ് രണ്ടിന് നടക്കുന്ന ഓഫിസേഴ്‌സ് ട്രെയിനിങ്ങിന്റെ ഭാഗമായാണ് ക്യാംപ് നടത്തുന്നതെന്നാണ് റിപ്പോര്‍ട്ടില്‍ പറയുന്നത്. പരിശീലത്തിന് ഗ്രൗണ്ട് വിട്ടു നല്‍കിയതിനെതിരെ പ്രതിഷേധമുയര്‍ന്നിട്ടുണ്ട്. ഗ്രൗണ്ടില്‍ ആര്‍.എസ്.എസ് ക്യാമ്പ് നടത്താന്‍ അനുമതി നല്‍കിയതിനെതിരെ പ്രതിഷേധവുമായി എസി.എഫ്.ഐ രംഗത്തെത്തി. വിദ്യാര്‍ഥികള്‍ ഉപയോഗിക്കുന്ന ഗ്രൗണ്ടില്‍ ആരാണ് ആര്‍.എസ്.എസ് പരിശീലനം നടത്താന്‍ അനുമതി നല്‍കിയതെന്നാണ് ചോദ്യം. 

കോളജുമായി ബന്ധപ്പെട്ടപ്പോള്‍ തങ്ങളല്ല ഗ്രൗണ്ട് നല്‍കിയതെന്നാണ് അധികൃതര്‍ പറയുന്നത്. സാധാരണയില്‍ കോളജും അനുബന്ധ വിദ്യാഭ്യാസ സ്ഥാപനങ്ങളും നടത്തുന്ന പരിപാടികള്‍ക്ക് മാത്രമാണ് ഗ്രൗണ്ട് ഉപയോഗിക്കാറെന്നും പൊതുപരിപാടികള്‍ക്ക് നല്‍കാറില്ലെന്നുമാണ് ബന്ധപ്പെട്ടവര്‍ പറയുന്നതെന്നും റിപ്പോര്‍ട്ട് വ്യക്തമാക്കുന്നു. 

മലങ്കര സുറിയാനി കത്തോലിക്ക സഭയുടെ നിയന്ത്രണത്തിലുള്ള സ്ഥാപനമാണ് മാര്‍ ഇവാനിയോസ് കോളേജ്. കോളജിന്റെ രക്ഷാധികാരിയും മാനേജറും മേജര്‍ ആര്‍ച് ബിഷപ്പ് കര്‍ദിനാള്‍ മാര്‍ ബസേലിയോസ് ക്ലീമീസ് കാതോലിക്കാ ബാവയാണ്.

An RSS training camp held at Mar Ivanios College Ground in Thiruvananthapuram has sparked protests. The camp, part of an upcoming officer training event, reportedly began on April 18. College authorities deny granting permission for the use of the ground.