കുവൈത്ത്: സിവില്‍ സര്‍വിസ് നിയമങ്ങളും മറ്റ് വ്യവസ്ഥകളും അനുസരിച്ച് കുവൈത്ത് സര്‍ക്കാര്‍ ജീവനക്കാര്‍ക്ക് ഏഴ് തരത്തില്‍ പൂര്‍ണ്ണ ശമ്പളത്തോടു കൂടിയ അവധികള്‍ നല്‍കിവരുന്നു. ചികിത്സ, പ്രസവം, മതപരമായ കടമകള്‍, വ്യക്തിപരമായ അത്യാവശ്യങ്ങള്‍ തുടങ്ങിയവ കാര്യങ്ങള്‍ക്കാണ് അവധി നല്‍കി വരുന്നത്.

വിദേശ ചികിത്സാ അവധി:
പബ്ലിക് ഹെല്‍ത്ത് മന്ത്രാലയം അംഗീകരിച്ച രോഗികള്‍ വിദേശത്ത് ചികിത്സയ്ക്ക് പോകുമ്പോള്‍ രോഗികളുടെ കൂടെയുള്ള വ്യക്തിക്കും ആറ് മാസം വരെ പൂര്‍ണ്ണ ശമ്പളത്തോടുകൂടിയ അവധി ലഭിക്കും.

ഹജ്ജ് അവധി:
ജീവനക്കാര്‍ക്ക് ഔദ്യോഗിക ജീവിതത്തില്‍ ഒരിക്കല്‍ മാത്രം ഒരു മാസത്തെ പൂര്‍ണ്ണ ശമ്പളത്തോടുകൂടിയ ഹജ്ജ് തീര്‍ത്ഥാടന അവധി അനുവദിക്കും.

പ്രസവാവധി:
വനിതാ ജീവനക്കാര്‍ക്ക് രണ്ട് മാസത്തെ പൂര്‍ണ്ണ ശമ്പളത്തോടു കൂടിയ പ്രസവാവധി ലഭിക്കും. ഈ അവധി മറ്റ് അവധി ബാലന്‍സുകളില്‍ നിന്ന് കുറയ്ക്കില്ല. അതേസമയം, പ്രസവം ഈ കാലയളവിനുള്ളില്‍ നടന്നിരിക്കണം എന്ന് മാത്രം.

വിധവാ അവധി:
ഭര്‍ത്താവ് മരണപ്പെട്ട മുസ്‌ലിം വനിത ജീവനക്കാര്‍ക്ക് മരണത്തിന് ശേഷം നാല് മാസവും പത്ത് ദിവസവും പൂര്‍ണ്ണ ശമ്പളത്തോടെ അവധി ലഭിക്കും. ഇതിന് മന്ത്രിയുടെ അംഗീകാരം ആവശ്യമാണ്.

രോഗാവധി:
ജീവനക്കാര്‍ക്ക് വര്‍ഷത്തില്‍ 180 ദിവസം വരെ രോഗാവധി ലഭിക്കും. പ്രാഥമികാരോഗ്യ കേന്ദ്രങ്ങളില്‍ നിന്ന് തുടര്‍ച്ചയില്ലാത്ത 60 ദിവസം വരെ (ഒരിക്കല്‍ പരമാവധി 7 ദിവസം) അവധി അനുവദിക്കും.

സര്‍ക്കാര്‍ ജീവനക്കാരുടെ ക്ഷേമം ഉറപ്പാക്കുന്നതിനായാണ് കുവൈത്ത് സര്‍ക്കാര്‍ ഈ സൗകര്യങ്ങള്‍ ഒരുക്കി നല്‍കുന്നത്.

Kuwait government employees are eligible for seven different types of fully paid leave as per civil service regulations. These include medical treatment, maternity leave, religious obligations, and personal emergencies, ensuring comprehensive benefits for public sector workers.