മുംബൈ: കഴിഞ്ഞവര്‍ഷം കൊല്ലപ്പെട്ട എന്‍സിപി നേതാവും മഹാരാഷ്ട്ര മുന്‍ മന്ത്രിയുമായ ബാബാ സിദ്ദീഖിയുടെ മകന്‍ സീഷന്‍ സിദ്ദീഖിക്ക് വധഭീഷണി. ഇമെയില്‍ വഴിയാണ് സീഷന്‍ സിദ്ദീഖിക്ക് വധ ഭീഷണി ലഭിച്ചത്.

നിന്റെ പിതാവ് കൊല്ലപ്പെട്ടതുപോലെ നീയും കൊല്ലപ്പെടും എന്നാണ് ഭീഷണി എന്ന് പൊലിസ് പറഞ്ഞു. സംഘം സീഷനില്‍ നിന്നും പത്തു കോടി രൂപ ആവശ്യപ്പെടുകയും ചെയ്തിട്ടുണ്ട്. അടുത്ത ആറുമണിക്കൂറിനുള്ളില്‍ ഇത്തരത്തിലുള്ള ഇമെയിലുകള്‍ ഇനിയും വരും എന്നും ഭീഷണി സന്ദേശത്തില്‍ പറയുന്നു.

ഡി കമ്പനിയില്‍ നിന്നാണ് തനിക്ക് വധഭീഷണി സന്ദേശം ലഭിച്ചതെന്ന് സീഷന്‍ പറഞ്ഞു. വധഭീഷണി സന്ദേശത്തിന് അടിസ്ഥാനത്തില്‍ പൊലിസ് വിവരങ്ങള്‍ ശേഖരിക്കുകയും മൊഴിയെടുക്കുകയും ചെയ്തിട്ടുണ്ട്. ഭീഷണിമൂലം തങ്ങളുടെ കുടുംബം അസ്വസ്ഥരാണെന്ന് സീഷന്‍ വ്യക്തമാക്കി.

2024 ഒക്ടോബര്‍ 12ന് ആയിരുന്നു മുംബൈയിലെ നിര്‍മ്മല്‍ നഗറിലെ സിദ്ദീഖീയുടെ ഓഫീസിന് സമീപം വെച്ച് മൂന്ന് അക്രമികളുടെ വെടിയേറ്റ് ബാബ സിദ്ദീഖി കൊല്ലപ്പെടുന്നത്. കൊലപാതകത്തിന്റെ ഉത്തരവാദിത്വം ഗുണ്ടാ നേതാവായ ലോറന്‍സ് വിഷ്ണുമായി സംഘം ഏറ്റെടുത്തിരുന്നു.

ഗുര്‍മയില്‍ ബല്‍ജിത് സിംഗ്, ധര്‍മ്മരാജ് രാജേഷ് കശ്യപ്, ശിവരാജ് ഗൗതം എന്നിവരാണ് ബാബാ സിദ്ദീഖിയെ കൊലപ്പെടുത്തിയത്.