പൂച്ചാക്കല്‍: തെരുവുനായ കുറുകെ ചാടി ബൈക്ക് യാത്രികന്‍ അപകടത്തില്‍പ്പെട്ടു. ഉളവയ്പ്പ് തയ്യില്‍ അനില്‍കുമാറിനാണ് (45) പരുക്കേറ്റത്. ഇന്നലെ വൈകിട്ട് ആറോടെ ചേര്‍ത്തല – അരൂക്കുറ്റി റോഡില്‍ മണപ്പുറം ഫിഷറീസ് സ്‌കൂള്‍ കവലയിലായിരുന്നു സംഭവം.
ടൈല്‍സിന്റെ ജോലിക്കാരനായ അനില്‍കുമാര്‍ പാലായിലെ ജോലി കഴിഞ്ഞ് വീട്ടിലേക്കു വരുമ്പോഴായിരുന്നു അപകടം. നായയെ ഇടിച്ച് അനില്‍കുമാര്‍ റോഡില്‍ തെറിച്ചു വീണു.കൈകാലുകള്‍ക്കും നടുവിനുമാണ് പരുക്ക്.
അനില്‍ക്കുമാര്‍ പൂച്ചാക്കലിലെ സ്വകാര്യ ആശുപത്രിയില്‍ ചികില്‍സ തേടി. ബൈക്കിനും കേടുപാടുണ്ട്.