തിരുവനന്തപുരം:സംസ്ഥാനത്ത് ഓപ്പറേഷൻ ഡി ഹണ്ടിന്റെ ഭാഗമായി ഇന്നലെ നടത്തിയ പരിശോധനയിൽ 94 ആളുകളെ അറസ്റ്റ് ചെയ്തു. മാരക മയക്കുമരുന്നുകളായ എംഡിഎം 0.053 കിലോ ഗ്രാം, കഞ്ചാവ് 23.67 കിലോ ഗ്രാം, കഞ്ചാവ് 62 എണ്ണം എന്നിവയാണ് പിടികൂടിയത്. മയക്കുമരുന്ന് വിൽപ്പന നടത്തുന്നതായി സംശയിക്കപ്പെടുന്ന 2035 ആളുകളെ പരിശോധനനക്ക് വിധേയമാക്കുകയും വ്യത്യസ്ത തരത്തിലുള്ള നിരോധിത മയക്കുമരുന്ന് കൈവശം വെച്ചതിന് 92 കേസുകൾ രജിസ്റ്റർ ചെയ്യുകയും ചെയ്തു. 

നിരോധിക്കപ്പെട്ട മയക്കുമരുന്നുകളുടെ സംഭരണത്തിലും വിപണനത്തിലും ഏർപ്പെടുന്ന ആളുകളെ കണ്ടുപിടിച്ച് നിയമ നടപടികൾ സ്വീകരിക്കുന്നതിനു വേണ്ടിയാണ് സംസ്ഥാനത്ത് വ്യാപകമായി ഓപ്പറേഷൻ ഡി ഹണ്ട് നടത്തുന്നത്.

പൊതുജനങ്ങളിൽ നിന്നും മയക്കുമരുന്ന് സംബന്ധിച്ചുള്ള വിവരങ്ങൾ സ്വീകരിച്ചു നടപടികൾ കൈക്കൊള്ളുന്നതിന് വേണ്ടി 24 മണിക്കൂറും പ്രവർത്തിക്കുന്ന ആന്റി നർക്കോട്ടിക്  കൺട്രോൾ റൂം പ്രവർത്തിക്കുന്നുണ്ട്. 9497927797 എന്ന നമ്പറിലാണ് ബന്ധപ്പെടേണ്ടത്. ഈ നമ്പറിൽ വിളിക്കുന്നവരുടെ വിവരങ്ങൾ രഹസ്യമായി സൂക്ഷിക്കും.

Operation D Hunt 94 people arrested in widespread checks across the state