ന്യൂഡൽഹി: ഡൽഹി ജവഹർലാൽ നെഹ്‌റു സർവകലാശാലയിലെ (JNU) വിദ്യാർത്ഥി യൂണിയൻ തെരഞ്ഞെടുപ്പിൽ ഇക്കുറിയും ഇടത് ആധിപത്യം. മുൻവർഷങ്ങളെ അപേക്ഷിച്ച് ശക്തമായ പോരാട്ടത്തിനൊടുവിൽ ഇന്ന് പുലർച്ചെ ആണ് അന്തിമ ഫലം പുറത്തുവന്നത്. ഓൾ ഇന്ത്യ സ്റ്റുഡന്റ്‌സ് അസോസിയേഷനും ഡെമോക്രാറ്റിക് സ്റ്റുഡന്റ്‌സ് ഫ്രണ്ടും (AISA- DSF) ഉൾപ്പെട്ട ഇടതുപക്ഷ സഖ്യം നാല് കേന്ദ്ര പാനൽ സ്ഥാനങ്ങളിൽ മൂന്നെണ്ണം നേടി. പ്രസിഡൻ്റ്, വൈസ് പ്രസിഡൻ്റ്, സെക്രട്ടറി എന്നീ പോസ്റ്റുകൾ ആണ് സഖ്യം നേടിയത്. എബിവിപി ഒരു പ്രധാന സ്ഥാനവും (ജോ . സെക്രട്ടറി) നേടി. 

എഐഎസ്എയിൽ നിന്നുള്ള നിതീഷ് കുമാറിനെ ആണ് പ്രസിഡന്റായി പ്രഖ്യാപിച്ചത്. ഡിഎസ്എഫിൽ നിന്നുള്ള മനീഷ വൈസ് പ്രസിഡന്റായി തിരഞ്ഞെടുക്കപ്പെട്ടു. ഡിഎസ്എഫിൽ നിന്നുള്ള മുൻതഹ ഫാത്തിമ ആണ് ജനറൽ സെക്രട്ടറി. എബിവിപിയിൽ നിന്നുള്ള വൈഭവ് മീണ ജോയിന്റ് സെക്രട്ടറിയായും തിരഞ്ഞെടുക്കപ്പെട്ടു.

 2016 നു ശേഷം ആദ്യമായാണ് സ്ഥിരമായി ഇടതുപക്ഷ യൂണിയൻ വിജയിച്ചു കൊണ്ടിരുന്ന ജെഎൻയു യൂനിയൻ്റെ കേന്ദ്ര പാനലിലേക്ക് എബിവിപി തിരിച്ചെത്തിയത്.

 ഈ വർഷത്തെ തിരഞ്ഞെടുപ്പിൽ AISA , DSF എന്നിവ യുണൈറ്റഡ് ലെഫ്റ്റ് പാനലിൽ മത്സരിച്ചപ്പോൾ, ഏറെക്കാലം ജെഎൻയു യൂണിയൻ ഭരിച്ച എസ്എഫ്ഐ സ്വന്തം നിലക്കു മറ്റൊരു സഖ്യമായും മത്സരിച്ചു. അതേസമയം എസ്‌എഫ്‌ഐ ഓൾ ഇന്ത്യ സ്റ്റുഡന്റ്‌സ് ഫെഡറേഷൻ (എ‌ഐ‌എസ്‌എഫ്), ബിർസ അംബേദ്കർ ഫൂലെ സ്റ്റുഡന്റ്‌സ് അസോസിയേഷൻ (ബി‌എ‌പി‌എസ്‌എ), പ്രോഗ്രസീവ് സ്റ്റുഡന്റ്‌സ് അസോസിയേഷൻ (പി‌എസ്‌എ) എന്നിവയുമായി സഖ്യത്തിലേർപ്പെട്ടു. എംഎസ്എഫ് ഉൾപ്പെടെയുള്ള ചില വിദ്യാർത്ഥി സംഘടനകളുടെ പിന്തുണ ഇടത് സഖ്യത്തിന് ലഭിച്ചു.

 ജെഎൻയുവിലെ 16 സ്കൂളുകളിലും പ്രത്യേക കേന്ദ്രങ്ങളിലുമായി 42 കൗൺസിലർ സീറ്റുകളിൽ 23 എണ്ണം നേടിയതായി എബിവിപി അവകാശപ്പെട്ടു. പരമ്പരാഗതമായി ഇടതുപക്ഷത്തിന് ആധിപത്യമുള്ള സ്കൂൾ ഓഫ് സോഷ്യൽ സയൻസസിലും സ്കൂൾ ഓഫ് ഇന്റർനാഷണൽ സ്റ്റഡീസിലും അഞ്ചിൽ രണ്ട് സീറ്റുകൾ വീതം നേടി അവർ കടന്നുകയറിയതായി സംഘടന പറഞ്ഞു.

2015-16 വർഷത്തിലാണ് എബിവിപി അവസാനമായി കേന്ദ്ര പാനൽ സീറ്റ് നേടിയത്. 28 വോട്ടുകളുടെ നേരിയ ഭൂരിപക്ഷത്തിന് എഐഎസ്എ സ്ഥാനാർത്ഥിയെ പരാജയപ്പെടുത്തി ജോയിന്റ് സെക്രട്ടറി സ്ഥാനം നേടുകയായിരുന്നു. അതിനുശേഷം എഐഎസ്എ, എസ്എഫ്ഐ, ഡിഎസ്എഫ്, എഐഎസ്എഫ് എന്നിവ ഉൾപ്പെടുന്ന യുണൈറ്റഡ് ലെഫ്റ്റ് 2016 ൽ നാല് പ്രധാന തസ്തികകളും നേടുകയും അതിനുശേഷം മിക്ക വർഷങ്ങളിലും ആധിപത്യം നിലനിർത്തുകയും ചെയ്തു വരികയായിരുന്നു.

 നാല് കേന്ദ്ര തസ്തികകളിലേക്കുള്ള വോട്ടെടുപ്പ് വെള്ളിയാഴ്ച ആണ് നടന്നത്. ഈ വർഷം ആകെ 7,906 വിദ്യാർത്ഥികൾക്ക് വോട്ടവകാശം ലഭിച്ചു, 57% പുരുഷന്മാരും 43% സ്ത്രീകളും. 

 

വോട്ടിംഗ് നില

•  President

Akshan Ranjan (CRJD)- 133

Arvind Kumar (SCS)- 36

C. Taiyyaba Ahmed (LA)- 918

Kunal Kumar (Ind)- 22

Nitish Kumar (AISA)- 1720

Prerit Lodha (Disha)- 133

Raushan Kumar (Ind)- 15

Shikha Swaraj (ABVP)- 1430

Siddharth Gautam (Ind)- 184

Suman (AIDSO)- 36

Warke Avichal Amar (BAPSA)- 97

Pradeep Dhaka (NSUI)- 378

 

•  Vice president

Akash Kumar Rawani (Ind)- 1000

Manisha (DSF)- 1150

Md. Kaif (Fraternity)- 939

Nittu Gautam (ABVP)- 1116

Santosh Kumar (LA)- 840 

 

•  General secretary 

Arun Pratap (NSUI)- 174

Kunal Rai (ABVP)- 1406

Munteha Fatima (DSF)- 1520

Ramnivas gurjar (LA)-675

Niraj Kumar Bharat (DISHA)- 

Yari Nayam (Ind)-1184

 

• Joint Secretary

Naresh Kumar (AISA-DSF) — 1397

Nigam Kumari (SFI+AISF) — 1215

Ritika (BAPSA) — 157**

Saloni Khandelwal (NSUI) — 447

Vaibhav Meena (ABVP) — 1499

NOTA — 361

JNU students’ union polls: Left panel bags three key posts, ABVP wins one