ശ്രീനഗര്‍: പഹല്‍ഗാം ഭീകരാക്രമണത്തിന് പിന്നാലെ കശ്മീരിലെ 48 വിനോദ സഞ്ചാര കേന്ദ്രങ്ങള്‍ അടച്ചു പൂട്ടി.  ഭീകരാക്രമണ സാധ്യത കണക്കിലെടുത്ത് ഇന്‍ലിജന്‍സ് ഏജന്‍സിയുടെ മുന്നറിയിപ്പിനെ തുടര്‍ന്നാണ് നടപടി. 

സുരക്ഷാ അവലോകനം ഒരു തുടര്‍ച്ചയായി നടക്കുകയാണെന്നും വരും ദിവസങ്ങളില്‍ കൂടുതല്‍ സ്ഥലങ്ങള്‍ പട്ടികയില്‍ ചേര്‍ക്കാമെന്നും സുരക്ഷാ ഉദ്യോഗസ്ഥര്‍ അറിയിച്ചു. പഹല്‍ഗാം ആക്രമണത്തില്‍ പങ്കാളികളായ തീവ്രവാദികളുടെ വീടുകള്‍ തകര്‍ത്ത നടപടിയില്‍ പ്രതികാരമായി കൂടുതല്‍ ഭീകരാക്രമണങ്ങള്‍ ഉണ്ടാകാനിടയുണ്ട് എന്നാണ് ഇന്റലിജന്‍സ് റിപ്പോര്‍ട്ട്.

കശ്മീരിലെ വിദൂര പ്രദേശങ്ങളിലാണ് അടച്ചിട്ടിരിക്കുന്ന വിനോദസഞ്ചാര കേന്ദ്രങ്ങള്‍ എന്നും കഴിഞ്ഞ 10 വര്‍ഷത്തിനിടെ തുറന്നിട്ട പുതിയ ചില സ്ഥലങ്ങള്‍ ഇതില്‍ ഉള്‍പ്പെടുന്നുവെന്നും ഉദ്യോഗസ്ഥര്‍ പറഞ്ഞു.

ആക്രമണ ഭീഷണി കൂടുതലുള്ള ഗുല്‍മാര്‍ഗ്, സോനമാര്‍ഗ്, ദാല്‍ തടാകം തുടങ്ങിയവ വിനോദസഞ്ചാരികള്‍ക്ക് പരിധി നിശ്ചയിച്ചിട്ടുള്ള സ്ഥലങ്ങളാണ്.

അധികൃതര്‍ ഇത് സംബന്ധിച്ച് ഔദ്യോഗിക ഉത്തരവ് പുറപ്പെടുവിച്ചിട്ടില്ലെങ്കിലും, ഈ സ്ഥലങ്ങളിലേക്കുള്ള പ്രവേശനവും തടഞ്ഞിരിക്കുകയാണെന്നാണ് റിപ്പോര്‍ട്ട്. ഇവിടങ്ങളില്‍ ജമ്മു കശ്മീര്‍ പൊലിസിന്റെ സ്‌പെഷല്‍ ഓപ്പറേഷന്‍ ഗ്രൂപ്പായ ആന്റി ഫിദായിന്‍ സ്‌ക്വാഡിനെയും നിയമിച്ചിട്ടുണ്ട്. 

Following the Pahalgam terror attack, authorities have closed 48 tourist destinations across Kashmir due to intelligence warnings of possible retaliatory strikes. High-risk areas like Gulmarg, Sonamarg, and Dal Lake now face restricted access.