കോട്ടയം: രണ്ട് ദിവസത്തെ സന്ദര്‍ശനത്തിനായി രാഷ്ട്രപതി ദ്രൗപതി മുര്‍മു കേരളത്തിലെത്തുന്നു. ഈ മാസം 18ന് കേരളത്തിലെത്തുന്ന രാഷ്ട്രപതി ദ്രൗപദി മുര്‍മു 19ന് ശബരിമല ദര്‍ശനം നടത്തും. ദര്‍ശനം സംബന്ധിച്ച ഔദ്യോഗിക അറിയിപ്പ് രാഷ്ട്രപി ഭവന്‍ തിരുവിതാംകൂര്‍ ദേവസ്വം ബോര്‍ഡിന് നല്‍കിയിട്ടുണ്ട്.

18ന് പാലയിലെ സെന്റ് തോമസ് കോളേജിലെ ജൂബിലി ചടങ്ങില്‍ പങ്കെടുക്കുന്ന രാഷ്ട്രപതി അടുത്ത ദിവസം (19ന്) പമ്പയിലെത്തി ശബരിമല യാത്ര ആരംഭിക്കുമെന്നാണ് വിവരം. കുമരകത്തായിരിക്കും രാഷ്ട്രപതി തങ്ങുകയെന്നാണ് അറിയുന്നത്. ഇടവ മാസ പൂജയ്ക്കായി ശബരിമല തുറക്കുന്ന സമയത്താണ് രാഷ്ട്രപതി എത്തുന്നത്.  ഇടവ മാസ പൂജകള്‍ക്കായി ശബരിമല ക്ഷേത്രം മേയ് 14നാണ് തുറക്കുന്നത്. പൊലിസിനും തിരുവിതാംകൂര്‍ ദേവസ്വം ബോര്‍ഡിനും നേരത്തെ തന്നെ ഇത് സംബന്ധിച്ച അനൗദ്യോഗിക അറിയിപ്പ് ലഭിച്ചിരുന്നു. ഇപ്പോള്‍ ഔദ്യോഗിക അറിയിപ്പും ലഭിച്ചിട്ടുണ്ട്.

രാഷ്ട്രപതിയുടെ ദര്‍ശനദിനത്തില്‍ വെര്‍ച്വല്‍ ക്യൂ ബുക്കിംഗില്‍ ഉള്‍പ്പെടെ ദേവസ്വം ബോര്‍ഡ് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. രാഷ്ട്രപതിയുടെ സന്ദര്‍ശനത്തെ തുടര്‍ന്ന് ശബരിമലയില്‍ കര്‍ശനമായ സുരക്ഷാ നടപടികള്‍ ഏര്‍പ്പെടുത്താനുള്ള സാധ്യതയുണ്ട്.

President Droupadi Murmu will visit Kerala for a two-day tour, including a pilgrimage to Sabarimala on the 19th of this month. The official communication regarding her visit has been shared with the Travancore Devaswom Board. The President will first attend an event at St. Thomas College, Pala, on the 18th before proceeding to Sabarimala the next day. High-security arrangements are being made for the visit.