മക്ക: ഈ വർഷത്തെ ആദ്യ ഇന്ത്യൻ ഗവർമെൻറ് ഹജ്ജ് സംഘം മദീന സന്ദർശനം പൂർത്തിയാക്കി മക്കയിൽ എത്തി. ഹൈദരബാദിൽ നിന്ന് ആദ്യം മദീനയിൽ എത്തിയ 329 ഹാജിമാരാണ് സന്ദർശനം പൂർത്തിയാക്കി മക്കയിൽ എത്തിയത്. മക്കയിൽ എത്തിയ ആദ്യ സംഘത്തിന് സമസ്ത ഇസ്‌ലാമിക് സെൻ്റർ മക്ക സെൻട്രൽ കമ്മിറ്റിക്ക് കീഴിൽ  മുസ്വല്ലകൾ നൽകി സ്വീകരിച്ചു.

മുൻ വർഷങ്ങളിലെ പോലെ ഇത്തവണയും സജീവമായാണ്  ഹാജിമാരെ വരവേൽക്കാൻ വിഖായ ഒരുങ്ങിയിരികുന്നത്. ഹാജിമാർ മക്കയിൽ എത്തുന്ന മുറക്ക് സ്വീകരിക്കാൻ സംഘം സജ്ജമാണ്. 

സമസ്ത ഇസ്‌ലാമിക് സെന്റർ സഊദി നാഷണൽ സെക്രട്ടറി ഫരീദ് ഐകരപടി, മക്ക ജനറൽ സെക്രട്ടറി സിറാജ് പേരാമ്പ്ര,  ഓർഗനൈസിങ് സെക്രട്ടറി സക്കീർ കൊഴിചെന, സെക്രട്ടറിമാരായ നിസാർ ചുള്ളിയോട്, ഫിറോസ് ഖാൻ ആലത്തൂർ, അംഗങ്ങളായ മുനീർ ഫൈസി, ബഷീർ മുതുപറമ്പ്, അബ്ദുറഹ്മാൻ, ഷരീഫ്, സിദീഖ് വളമംഗലം, സാദിഖ് അൽ ബറക്ക തുടങ്ങിയവർ നേതൃത്വം നൽകി.