കെയ്റോ: ഹജ്ജിനായി പുണ്യസ്ഥലങ്ങളിലേക്ക് പോകുമ്പോൾ തീർഥാടകർ ചെറുതും അത്യാവശ്യവുമായ ലഗേജുകൾ മാത്രം കയ്യിൽ കരുതണമെന്ന് സഊദി അധികൃതർ അഭ്യർത്ഥിച്ചു.

ഹജ്ജ്, ഉംറ മന്ത്രാലയം വിശദീകരിച്ചത് പ്രകാരം ല​ഗേജ് കുറക്കുന്നത്, ആചാരങ്ങൾ നിർവഹിക്കുന്നത് എളുപ്പമാക്കുകയും ഹജ്ജ് അനുഭവം മെച്ചപ്പെടുകയും ചെയ്യുമെന്നാണ്.

തീർത്ഥാടകർ വലിയ ബാഗുകൾ താമസസ്ഥലത്ത് വച്ച്, മസ്ജിദുൽ ഹറമിലേക്കും മറ്റ് പുണ്യസ്ഥലങ്ങളിലേക്കും ആവശ്യമുള്ള വസ്തുക്കൾ മാത്രം കൊണ്ടുപോകാണമെന്നും അധികൃതർ വ്യക്തമാക്കി. 

"ല​ഗേജ്, വസ്ത്രങ്ങൾ, ആവശ്യമില്ലാത്ത വസ്തുക്കൾ എന്ന്വയുടെ അളവ് കുറയ്ക്കുന്നത് സുഖവും സുരക്ഷയും വർധിപ്പിക്കുന്നു," എന്ന് മന്ത്രാലയം എക്സിൽ കുറിച്ചു. അമിതമായ ലഗേജ് ചലനത്തെ തടസ്സപ്പെടുത്തുകയും തിരക്ക് വർധിപ്പിക്കുകയും ചെയ്യും, ഇത് ആത്മീയ യാത്രയെ പ്രതികൂലമായി ബാധിക്കുമെന്നും മന്ത്രാലയം മുന്നറിയിപ്പ് നൽകി.

എല്ലാ വർഷവും, ലോകമെമ്പാടുമുള്ള ലക്ഷക്കണക്കിന് മുസ്‌ലിങ്ങള്‍ സഊദി അറേബ്യയിലെത്തി ഹജ്ജ് നിർവ്വഹിക്കുന്നതാണ്. ശാരീരികമായും സാമ്പത്തികമായും സാധ്യതയുള്ള മുസ്‌ലിങ്ങള്‍ക്ക്‌ ജീവിതത്തിൽ ഒരിക്കലെങ്കിലും ഹജ്ജ് നിർവഹിക്കേണ്ടത് നിർബന്ധമാണ്. ഇസ്‌ലാമിക കലണ്ടറിലെ 12-ാം മാസമായ ധുൽ ഹിജ്ജയുടെ എട്ടാം ദിവസമാണ് ഹജ്ജ് ആരംഭിക്കുന്നത്, ഇത് സാധാരണയായി അഞ്ച് ദിവസം നീണ്ടുനിൽക്കും.

Saudi officials have urged Hajj pilgrims to carry only essential, small luggage when visiting holy sites this year. The Ministry of Hajj and Umrah emphasized that lighter baggage improves mobility, safety, and the overall pilgrimage experience. Excessive luggage may cause congestion and hinder rituals. Hajj, one of Islam’s five pillars, begins in early June, with strict measures in place to manage crowds and ensure smooth operations.